ASTANA. 28 mamyr. Almatyda zııaly qaýym ókilderi Eýrazııalyq ekonomıkalyq odaqtyń el áleýetin kóterýdegi yqpalyn sóz etti. Bul týraly gylymordasy.kz habarlady.
«Ǵylym ordasy» respýblıkalyq memlekettik kásipornynda ótken basqosýǵa ǵylymı-zertteý ınstıtýttarynyń dırektorlary men qyzmetkerleri, joǵarǵy oqý oryndarynyń rektorlary, ǵylymı kitaphanalardyń qyzmetkerleri, otandyq bıznes jáne buqaralyq aqparat quraldarynyń ókilderi qatysty.
Alqaly jıynǵa qatysqan ǵalymdar Eýrazııalyq ekonomıkalyq odaq qurý týraly kelisim úsh eldiń damýyna serpin beredi degen ortaq pikir aıtty.
Almatydaǵy Ekonomıka ınstıtýtynyń dırektory Sáken Espaev: «Úsh eldiń ortaq ekonomıkalyq damýynyń kólemi 2,2 trln. AQSh dollaryn qurady. Kedendik odaq aıasynda birigip otyrǵan Qazaqstan, Reseı, Belarýs elderiniń arasyndaǵy taýar aınalymy 24 mlrd. AQSh dollaryna jetti. XXI ǵasyrda elderdiń ekonomıkalyq ıntegrasııaǵa enýi basty qajettilik bolyp otyr. Eýrazııalyq ekonomıkalyq odaq – tabysty yqpaldasýdyń kepili bolmaq», – dedi.
Jıynda aıtylǵandaı, Eýrazııalyq ekonomıkalyq odaq elimizdi jańa beleske alyp shaǵady.
Joldybaı Bazar.
Derekkóz: gylymordasy.kz.
Foto: gylymordasy.kz.