ASTANA. 28 mamyr. Biz Qazaqstan ekonomıkasy jóninde sóz qozǵalǵanda, «Samuryq-Qazyna» qoryn damytý máselesin alǵa tartamyz. Ekonomıka jáne bıýdjettik josparlaý mınıstri, «Samuryq-Qazyna» aksıonerlik qoǵamy dırektorlar keńesiniń múshesi Erbolat Dosaev atalǵan qordyń transformasııalaý baǵdarlamasy talqylanǵan otyrysta osylaı dedi. Bul týraly Bnews.kz habarlady.
Erbolat Dosaevtyń aıtýynsha, Eýrazııalyq ekonomıkalyq odaq aıasynda «Samuryq-Qazyna» ultyq ál-aýqat qory» aksıonerlik qoǵamy úshin básekelestik deńgeıi ósedi.
Jıynda mınıstr: «Kompanııanyń transformasııalaý baǵdarlamasyn talqylaý kezinde Eýrazııalyq ekonomıkalyq odaq qurylǵannan keıin «Samuryq-Qazynanyń» róli qalaı ózgeretinine de kóńil bólý qajet. Búginde 170 mln. halqy bar naryqtyń keńeıýin eskere otyryp, «Samuryq-Qazynanyń» formatyn qaıta qarastyrǵan jón», – dedi.
Sondaı-aq, ol: «Samuryq-Qazyna» qorynyń bizdiń ekonomıkany damytýdaǵy mańyzy zor. Osyǵan baılanysty kompanııany damytýdyń paradıgmasy ózgerýde. Bul transformasııalaý baǵdarlamasy aıasynda jeke qarastyrylýy kerek degen oıdamyn», – degen oıyn jetkizdi.
Joldybaı Bazar.
Derekkóz: Bnews.kz.
Foto: ortcom.kz.