Qazaqstanda kórsetiletin qyzmetti alýshylarǵa Ekinshi deńgeıdegi bankterdiń mobıldik qosymshalaryna push-habarlamalar jiberý arqyly proaktıvti qyzmetter kórsetý jónindegi qanatqaqty jobany iske asyrý bastaldy.
Búginde qandaı da bir ómirlik jaǵdaı týyndaǵan kezde azamattarǵa proaktıvti formatta qyzmet kórsetý úshin SMS-habarlamalar jiberiledi. Mysaly, bala týǵan kezde ata-anaǵa bala týýyna baılanysty járdemaqy alý múmkindigi týraly SMS-habarlama kelip túsedi, ony taǵaıyndaý úshin osy habarlamaǵa kelisimmen jaýap berý jetkilikti.
Azamattardy proaktıvti qyzmettermen keńinen qamtý úshin jáne yńǵaıly bolý maqsatynda Eńbek jáne halyqty áleýmettik qorǵaý mınıstrligi ekinshi deńgeıdegi banktermen birlesip EDB qosymshalaryna push-habarlamalar jiberý arqyly proaktıvti qyzmetter kórsetý múmkindigin iske asyrdy. Qaǵıdat birdeı, ıaǵnı belgili bir ómirlik jaǵdaı týyndaǵan kezde push-habarlama jiberiledi jáne paıdalanýshynyń oń jaýaby bolǵan jaǵdaıda oǵan tıisti tólemder taǵaıyndalady.