Parlament Májilisinde «Qazaqstan halqy Assambleıasy» depýtattyq tobynyń kezekti otyrysy ótti, dep habarlady osy palatanyń baspasóz qyzmeti.
Kún tártibinde Qazaqstan halqy Assambleıasynyń Tóraǵasy N.Á.Nazarbaevtyń Qazaqstan halqy Assambleıasynyń XHI sessııasynda Qazaqstan halqy Assambleıasynyń aldyna qoıǵan tapsyrmalaryna sáıkes óńirlerdegi Qazaqstan halqy Assambleıasy qurylymdarynyń jumystaryn jetildirý máselesi qaraldy. Birinshi másele boıynsha «Nur Otan» HDP fraksııasynyń múshesi, Ekologııa máseleleri jáne tabıǵat paıdalaný komıtetiniń múshesi Vıktor Kııanskıı baıandama jasady.
Partııanyń ultaralyq saıasatynyń negizgi tetigi – Parlamenttegi «QHKP» fraksııasy men «Qazaqstan halqy Assambleıasynyń» birlesip jumys jasaýy jóninde «QHKP» fraksııasynyń múshesi, «QHKP» Ortalyq komıtetiniń hatshysy, Agrarlyq máseleler jónindegi komıtettiń múshesi Aıqyn Qońyrov sóz sóıledi.
Jaryssóz barysynda baıandamany qoldap «Qazaqstan halqy Assambleıasy» depýtattyq tobynyń múshesi Zýhra Saıapova óz pikirimen bólisti.
«Qazaqstan halqy Assambleıasy» depýtattyq toby jetekshisiniń orynbasary Egor Kappel «Qazaqstan halqy Assambleıasy» depýtattyq toby jáne óńirlerdegi máslıhattar janynan qurylǵan depýtattyq toptardyń jumystary jóninde qosymsha baıandady.
Sharaǵa Májilistiń «Qazaqstan halqy Assambleıasy» depýtattyq tobynyń músheleri, Parlamenttegi Prezıdent О́kildigi basshysynyń orynbasary Eskendir Qudaıbergenov, Qazaqstan Prezıdenti janyndaǵy Memlekettik basqarý akademııasy Etnosaralyq jáne konfessııaaralyq qatynastar salasyn zertteý ortalyǵynyń jetekshisi, Qazaqstan halqy Assambleıasy Ǵylymı-sarapshylyq keńesiniń tóraıymy Aıgúl Sádýaqasova, Qazaqstan Prezıdenti janyndaǵy Memlekettik basqarý akademııasynyń «Jastar ortasyndaǵy etnosaralyq qatynastar mádenıeti» atty respýblıkalyq jazǵy mektep tyńdaýshylary qatysyp, oı bólisti.