Kásipkerlik – el damýynyń negizgi kúshteriniń biri. Demek, oǵan qoldaý jasaý – damýǵa jasalǵan jaǵdaı. Qazaqstan Respýblıkasy Ulttyq kásipkerler palatasy tóralqasynyń tóraǵasy T.Qulybaevtyń Mańǵystaýǵa sapary barysynda elimizde osy baǵytta jasalyp jatqan jumystar týraly bildik.
T.Qulybaev Mańǵystaý oblysynyń ákimi A.Aıdarbaevtyń bastaýymen aldymen Aqtaý temir balqytý zaýytynda boldy. Halyqaralyq standarttarǵa saı armatýralar men buryshtamalar, shvellerler, basqa da ónimder óndiretin zaýytta 450 adam jumyspen qamtylǵan. О́nimderi elimizdiń ózge óńirlerimen birge Túrkııa, Iran memleketterine tasymaldanatyn zaýyttyń jumysy óz yrǵaǵymen júrýde. Sondaı-aq, T.Qulybaev Kaspıı bıtým zaýytyna aıaldady. Kópshiligi shetelder men respýblıkamyzdyń basqa qalalarynda arnaıy kýrstardan ótken 250 adam zaýytta jumys kórigin qyzdyryp, avtokólik joly úshin qajetti ónimder shyǵarýda. Keleshekte Reseı, Ázerbaıjan elderine shyǵarylatyn bıtýmnyń Aqtaý zaýytynda eki túri óndiriletin bolady. Qazirge deıin 65 myń tonna munaı óńdep úlgergen zaýyt jumysyna oń baǵa bergen T.Qulybaev odan ári Mańǵystaý oblysy kásipkerler palatasy keńesiniń músheleri jáne palatanyń ókilderimen, aımaq kásipkerlerimen kezdesti.
Tóralqa basshysy kásipkerlerdi tolǵandyratyn basty máseleniń biri retinde qarjyǵa qoljetimdilik týraly aıtyp ótti. Qazirgi basty baǵyttardyń biri – óńirlik bıznes-qaýymdastyq úshin memlekettik jáne jer qoınaýyn paıdalanýshy satyp alýshylar boıynsha júrgizilýi tıis. Sondaı-aq, memlekettik satyp alýlar aldaǵy ýaqytta Úkimet pen Ulttyq kásipkerler palatasy arasynda qol qoıylatyn qujatpen retteletin bolady. Al jer qoınaýyn paıdalanýshylar boıynsha elimizdiń Indýstrııa jáne jańa tehnologııalar mınıstrligimen memorandýmǵa qol qoıylyp, ofsettik saıasat jóninde turaqty organ qurý jóninde kelisilgendigin aıtqan T.Qulybaev endi «Samuryq-Qazyna» ulttyq ál-aýqat qorymen kelisimge kelý jóninde qol qoıý josparlanǵandyǵyn, satyp alýlarǵa jergilikti kompanııalar úshin jol ashylatyndyǵyn, al óńirlik keńes pen kásipkerler palatasynyń ókilderi komıssııa quramyna kiretindigin, osylaısha tenderdiń ashyqtyǵy kórinetindigin aıtty. Iаǵnı, memlekettik organdarmen jasalatyn uzaq merzimdi kelisimder qazaqstandyq kásiporyndarǵa jańǵyrtý júrgizýge nemese básekege qabiletti jańa ónimder shyǵarýǵa múmkindik beredi. Bul rette, Ulttyq kásipkerler palatasy uzaq merzimdi kelisim-sharttardyń damý júıelerine tikeleı qatysady.
О́ńirdegi kásipkerliktiń qarqyny, kemshilikter men olardy joıý baǵytyndaǵy jumystar barysymen tanystyrǵan Mańǵystaý oblystyq kásipkerler palatasynyń dırektory J.Dospaevtyń aıtýynsha, qazirge deıin kásipkerler tarapynan 70 aryz-shaǵym túsken bolsa, onyń 50-ge jýyǵy tıisti oryndarǵa joldanyp, nátıjesinde oń sheshimin tapqan.
Jıyn sońynda Mańǵystaý oblysy ákimdigi men óńirlik kásipkerler palatasy arasynda aımaqta kásipkerlikti damytý jóninde memorandýmǵa qol qoıyldy.
Gúlaıym ShYNTEMIRQYZY,
«Egemen Qazaqstan».
AQTAÝ.
Sýretti túsirgen
Serik MAIEMEROV.