ASTANA. 6 maýsym. Túrkitildes memleketterdiń ıntegrasııalyq úderisi Eýrazııalyq ekonomıkalyq odaqtyń múddesine qaıshy emes. Túrkitildes elder yntymaqtastyǵy 4-sammıtiniń sońynda Prezıdent Nursultan Nazarbaev osylaı dep málimdedi. Bul týraly «QazAqparat» habarlady.
Memleket basshysynyń aıtýynsha, túrkitildes memleketterdiń ıntegrasııalyq úderisterin damytý qajet. Ol Keden odaǵy men Eýrazııalyq ekonomıkalyq odaq múddesine esh qaıshy kelmeıdi. О́ıtkeni, Eýrazııalyq ekonomıkalyq odaq saıası reńki joq ekonomıkalyq ózara baılanys.
Sonymen qatar Prezıdent Qazaqstan men Túrkııa arasyndaǵy taýar aınalymynyń kólemi 4 mlrd. dollarǵa jetkenine, bul kórsetkishti ulǵaıta túsýge múmkindik kóp ekenine nazar aýdardy. Sondaı-aq, ol kelesi jyly elimizge Grýzııa arqyly Túrkııaǵa shyǵýǵa múmkindik beretin temir jol qurylysynyń aıaqtalatyndyǵyn, Uly Jibek jolynyń qaıta jańǵyrýy jáne kólik ınfraqurylymynyń qurylýy nátıjesinde Túrkııanyń Qazaqstan arqyly Qytaıǵa shyǵýǵa múmkindik alǵanyn jetkizdi.
Joldybaı Bazar.
Derekkóz: «QazAqparat».
Foto: Elarna.com.