ASTANA. 6 mamyr. Qazaqstandyq dıplomat Mádına Jarbosynova Eýropadaǵy qaýipsizdik jáne yntymaqtastyq uıymynyń adam saýdasyna qarsy arnaıy ókili bolyp bekitildi. Bul týraly «Qazaqstan jańalyqtary» habarlady.
Osy taǵaıyndaý jóninde Syrtqy ister mınıstrligine Eýropadaǵy qaýipsizdik jáne yntymaqtastyq uıymynyń bas hatshysy Lamberto Zannerden arnaıy hat kelgen.
Mádına Jarbosynova – kásibı dıplomat, 1998-1999 jyldary vıse-mınıstr qyzmetinde boldy. Keıin tórt jyl boıy BUU-daǵy Qazaqstannyń turaqty ókili jáne elimizdiń Kýbadaǵy elshisi retinde jumys istedi. Qazaqstanǵa oralǵannan keıin, ol Syrtqy ister mınıstrliginiń Erekshe tapsyrmalar boıynsha elshisi qyzmetine taǵaıyndalyp, adam quqyqtary men adamı ólshemder máselelerimen aınalysqan. Al 2012 jyldyń mamyrynda Ýkraınadaǵy EQYU jobalarynyń úılestirýshisi ári osy eldegi atalǵan uıym mıssııasynyń basshysy bolyp taǵaıyndaldy.
Mádına Jarbosynovanyń atalǵan qyzmetke bekitilýine elimizdiń EQYU qurylymynda joǵary deńgeıde ókildik etýi jáne Qazaqstannyń uıymǵa 2010 jylǵy tóraǵalyǵynyń jemisti qorytyndysy yqpalyn tıgizip otyr.
Joldybaı Bazar.
Derekkóz: «Qazaqstan jańalyqtary».
Foto: elarna.com.