Aqparattar aǵyny

● «Samuryq-Qazyna» bıyl quny 3 mlrd. dollardy quraıtyn 16 jobany iske qosady. Qazirdiń ózinde mun­da 10 myń jumys orny qu­rylǵan. Al 2015-2016 jyldary 23 mlrd. dollarlyq 40 joba júzege asyp, oǵan 9,5 myń jumys qoly tartylady. ● Jezqazǵan ken oryn­daryndaǵy geologııalyq bar­laý jumystaryna 25,1 mlrd. teńge bólinedi. Ol Jez­qaz­ǵan, Sátbaev qalalary men Ulytaý aýdanyn áleýmettik-ekonomıkalyq damytýdyń 2012-2020 jyldarǵa arnalǵan keshendi jospary aıasynda atqarylatyn sharalardy qarjylandyrady. ● Kúrshim aýdanynda Otan soǵysy ardagerlerine arnalǵan forým aıaqtaldy. Shyǵys Qazaqstan oblysynyń ákimi Berdibek Saparbaevtyń bastamasymen qolǵa alynǵan shara endi aımaqtyń basqa óńirlerinde óziniń jalǵasyn taýyp, Uly Jeńistiń 70 jyl­­dyǵy qarsańynda qory­tyndysyn shyǵarady. ● Qyzylordada Syr­darııa ózeni ústindegi jańa kópirdiń qurylysy bas­taldy. Keshe irgetasy qa­lan­­ǵan bul sharaǵa oblys ákimi Qyrymbek Kósherbaev qa­tysyp, jańa ótkel darııa­nyń sol jaǵalaýyn damytý isi­niń bastaýy bolatynyn aıt­ty. Nysan qurylysy aıaq­ta­lysymen, ózenniń qarsy betinde jańa záýlim ǵıma­rattar boı kóteretin bolady. ● Shymkenttegi Qoshqar- ata ózeninde jańa demalys orny qatarǵa qosyldy.  Onyń saltanatty ashylý rásimine qatysqan oblys ákimi Asqar Myrzahmetov 12 gektar aýmaqty alatyn mekendegi arna boıymen balalar jáne sport alańdary kelýshilerge qyzmet etetinin áńgimeledi. ● Qostanaıda «Agro­bız­nes-2020» baǵdar­lama­syna nesıe berýdiń tusaý­ke­seri ótti. Oblysta bul sa­­lada qoı jáne jylqy sha­rýa­­shylyqtaryn damytý ba­syńqy baǵyt alyp otyr. Nesıe syzbasynda máseleniń osy jaǵy eskerildi. ● Almatyda 18 970 bala jazǵy lagerlerde demala­tyn boldy. Bulardyń bári birinshi saýyqtyrý kezeńinde mektep janyndaǵy tynyǵý mekenderine barady. Olardyń ishinde 156 lagerde 11 632 bala ystyq tamaqpen, 8 lagerde 834 bala kúndizgi uıqymen, 19 lagerde 7 338 bala oıyn alańymen qam­tyl­ǵan. ● Jambyl oblysynyń ákimi otbasy tektes bala­lar úıine shaǵyn avtobýs syılady. Osyǵan razy bol­ǵan 15 balaly mekenniń ıe­leri, erli-zaıypty Alekseı jáne Natalıa Tımofeevter Kárim Kókirekbaevqa alǵys sezimderin bildirdi. «QazAqparat», BNews.kz, Altaynews.kz, Alau.kz, Egemen.kz agenttikteri men «Znamıa trýda» derekteri boıynsha daıyndaldy.