Qasym-Jomart Toqaev bastaǵan Senat depýtattary men apparat qyzmetkerleri Astanadaǵy Q.Qýanyshbaev atyndaǵy akademııalyq mýzykalyq-drama teatrynda boldy.
Poetıkalyq «Muqaǵalı» dramasyn yqylaspen tamashalaǵan senatorlar akterlerdiń sheberligi men rejısserdiń tapqyr sheshimderin joǵary baǵalady.
«Sóz ónerin qasterleıtin kóptegen urpaqtyń kókeıindegi oıdy jetkizgen aqıyq aqyn Muqaǵalı Maqataevtyń shyǵarmalary zor yqylas týǵyzady. «Muqaǵalı» dramasynda bizdiń kórnekti otandasymyzdyń shyǵarmashylyq jolyndaǵy barlyq bel-belesteri túgeldeı kórinis tapqan. Qazaq mýzykalyq drama teatrynyń sahna sheberlerine tabysqa jete berýlerine tilektestigimdi jetkizgim keledi», dedi Q.Toqaev, dep habarlady Parlament Senatynyń baspasóz qyzmeti.