Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» Joldaýynda «HHI ǵasyrdaǵy damyǵan el degenimiz – belsendi, bilimdi jáne densaýlyǵy myqty azamattar. Bilim barlyq ýaqytta joǵary qundylyqtardyń biri bolǵan. Tek bilimdi, saýatty adam ǵana keleshek tizginin qolyna ala alady», delingen.
Osy oraıda, Kókshetaý medısınalyq kolledji qazirgi bilim berý standartynyń talaptaryna sáıkes, orta býyndy medısınalyq qyzmetkerlerdi daıarlaýda zamanaýı kirikken, úılesimdirilgen tehnologııalardy engizý arqyly bilim berýde jańashyldyqtardy qoldanatyn, materıaldyq-tehnıkalyq bazasy qarqyndy damyp kele jatqan bedeldi oqý orny bolyp tabylady. Osy oqý ornyn 1995 jyldan bastap medısına ǵylymdarynyń doktory Svetlana Muratbekova basqarady.
Kolledj 76 shyǵarymdy iske asyryp, 21 408 maman daıyndady. Qazirgi kezde bilim berý 8 mamandyq boıynsha júzege asyrylady: «Emdeý isi», «Medbıkelik is», «Gıgıena jáne epıdemıologııa», «Laboratorııalyq dıagnostıka», «Farmasııa», «Stomatologııa», «Ortopedııalyq stomatologııa», «Áleýmettik jumys».
Oqý baǵdarlamalaryn iske asyrýda halyqaralyq tájirıbeni úırený maqsatymen Qazaqstan Respýblıkasynyń Densaýlyq saqtaý mınıstrligi Kókshetaý medısına kolledjiniń belsendi qatysýymen, sımýlıasııalyq tehnologııalardy jetildirýde, medısına ergonomıkasynyń negizderinde, pallıatıvti kómek, medıkamentterdi taǵaıyndaǵanda medbıkeniń múmkindikteri boıynsha sheberlik-synyptar uıymdastyrylyp, Lıtva, Reseı, Fınlıandııa, Rýmynııa mamandarynyń qatysýymen ótkiziledi.
Bolashaq mamandardyń daıyndyq sapasyn arttyrý maqsatynda kolledj oqytýshylary Svetlana Qabdenqyzynyń basshylyǵymen halyqaralyq, aımaqaralyq, respýblıkalyq, oblystyq ǵylymı-tájirıbelik konferensııalarǵa, semınarlarǵa, forýmdarǵa, kongresterge qatysady: Halyqaralyq qyzmettestik sheńberinde kolledj Sankt-Peterbýrg, Omby, Kemerov (Reseı); Tampere, Iývıaskıýl (Fınlıandııa); Stavanger (Norvegııa), London (Ulybrıtanııa), Vılnıýs (Lıtva) jáne t.b. qalalarda ótken ǵylymı-praktıkalyq konferensııalarǵa, semınarlar men kongresterge qatysty.
Atalǵan tájirıbe zamanaýı medbıkelik tehnologııalardy jetildirýge múmkindik beredi, óıtkeni, olar medbıke isi mamandarynyń kásibı biliktiligin baǵalaýdyń aldyńǵy krıterııi bolyp sanalady. Kolledjde Veb-saıt ornalasqan Intel Xeon serveri bar qashyqtan oqytý ortalyǵy quryldy. Oqý úrdisine arnalǵan kabınetter qazirgi zamanǵy kompıýterlermen jabdyqtalǵan, sonymen birge, Aktivote qurylǵysy, bir ýaqytta kolledjdegi aýdıtorııalarda oqý fılmderin kórsetetin kolledjishilik kabeldi teledıdar, tildik daıyndaý úshin mýltımedııalyq kabınetter jumys isteıdi. Internetke shyǵý joǵary jyldamdyqty ADSL- modemderimen júzege asyrylady.
Kókshetaý medısınalyq kolledji – Qazaqstan Respýblıkasyndaǵy eń úzdik oqý oryndarynyń biri. Kolledj túlekteri kásiptiligimen, básekege qabilettiligimen, ári qaraı ózin damytý daıyndyǵymen erekshelenedi. Olar Kókshetaý qalasynda, Aqmola jáne Soltústik Qazaqstan oblystarynyń emdeý-aldyn alý uıymdarynda, Astana qalasynyń birqatar medısınalyq mekemelerinde jumys isteıdi.
Prezıdent Joldaýynyń «Ult densaýlyǵy – bizdiń tabysty bolashaǵymyzdyń negizi» taraýynda Qazaqstan halqynyń densaýlyǵyn saqtaý, balalarymyzdyń densaýlyǵyn qamtamasyz etý isine jańa tásilder engizý máselesi, aýyldaǵy medısınalyq qyzmetterdiń sapasyn arttyrý jaıy atap aıtylǵan. Kolledj ujymy osy baǵytty basty nazarynda ustap, Joldaýdyń iske asyrylýyna bar kúsh-jigerin, bilimin salatyn bolady.
Janar SÁRSENBAEVA.
KО́KShETAÝ.