Syrdarııanyń sol jaǵalaýynda jańa qala salynatyn bolady

Iá, Qyzylordada qala saly­na­dy. Syrdarııanyń sol jaǵa­laýy­na. Búginde qala túsetin jer­­diń asty-ústi tolyq zertteý­den ótti. 90 myńǵa jýyq halyq sııa­­tyn jańa shahardyń keskin-kel­­beti de erekshe bolmaq. Onyń arhıtektýrasynda shyǵystyń shyraıly kelbeti de, qazaqy na­qysh ta, zamanaýı tehnologııa da kórinis tabady. Qalany bastamas buryn, Syrdarııanyń arǵy beti men bergi shetin jalǵaıtyn kópir salý kerek. Mine, burnaǵy kúni sol kópirdiń qurylysy bas­taldy. Oǵan oblys ákimi Qy­rymbek Kósherbaev jáne Senat pen Májilistiń bir top depýtattary qatysty. Oblystyq jolaýshylar kó­ligi jáne avtomobıl joldary basqarmasynyń basshysy Marat Báıimbetov tusaýkeser rásimge arnaıy kelgen meımandardy stend arqyly kópir qurylysynyń jobasymen tanystyryp, onyń jumysyn elimizge belgili «Mostotrıad-25» JShS sekildi tájirıbeli kompanııa júrgizgeli otyrǵanyn jetkizdi. Jınalǵandar aldynda sóz alǵan óńir basshysy Qyrymbek Kósherbaev Qyzylorda qalasynyń 2009 jyly bekigen bas josparyna sáıkes 2300 gek­tardy quraıtyn Syrdarııa óze­ni­niń sol jaǵalaýyn josparly ıge­rý jumystary bastalǵaly otyr­ǵanyn qýanyshpen atap ótti. – Búgingi sharany jaı ǵana kópirdiń qurylysy bastaldy dep qabyldamaý kerek. Muny uly ózenniń sol jaǵalaýynda jańa qala­nyń qurylysy bastalatyn ta­rıhı sát dep sanaýymyz qajet. Bas josparǵa sáıkes bul aýmaqta áleýmettik-ákimshilik, óndiristik, mádenı, orta jáne shaǵyn bıznes nysandaryn salý qaralǵan. Bu­ǵan qosa, biz 15 myń adamdy ju­myspen qamtıtyn bolamyz, – dedi. Jalpy quny 5,9 mıllıard teńge turatyn kópir qurylysyna bıyl respýblıka bıýdjetinen 1 mıllıard teńge qaralypty. О́zge qarajat el qazynasynan 2015 jyly bólinedi. Al, kópir qurylysy keler jyldyń sońyn ala aıaqtalady. Kópir salý, qudyq qazý saýapty istiń qatarynan ǵoı. Al darııanyń eki shetin qosyp, jańa qalanyń qurylysyna jol ashatyn bul kópir úlken saýapty istiń bastamasy dep bilemiz. Erjan BAITILES, «Egemen Qazaqstan». QYZYLORDA.