ASTANA. 10 maýsym. 2015 jyldan bastap memlekettik qyzmetkerlerge qazaq tilin bilý mindettelmek. Ortalyq kommýnıkasııalar qyzmetinde ótken brıfıngte Mádenıet mınıstri Arystanbek Muhamedıuly osylaı dep málimdedi.
Mınıstr 2011-2020 jyldarǵa arnalǵan tilderdi damytý baǵdarlamasy aıasynda jasalǵan jumystardyń naqty kórsetkishteri týraly áńgimeledi.
Arystanbek Muhamedıuly: «Esepti kezeńde memlekettik tildi damytý men qoldanýǵa baǵyttalǵan birqatar jumys atqaryldy. Atap aıtqanda, QAZTEST júıesin jetildirý boıynsha memlekettik tildi oqytýǵa arnalǵan 5 deńgeıden turatyn oqý-ádistemelik kesheni ázirlendi. Olar elimizdiń barlyq tilderdi oqytý ortalyqtaryna taratyldy. Endigi kezekte memlekettik qyzmetshilerge qazaq tilin meńgerýdi mindettegen durys. Muny 2015 jyldan bastap ortalyq jáne jergilikti atqarýshy organdardyń strategııalyq josparlaryna satyly túrde QAZTEST júıesin engizý arqyly sheshemiz», – dedi.
Nurbaı Elmuratov.
Derekkóz: egemen.kz.
Foto: mki.gov.kz.