Elordalyq úıdiń kireberisinde 75 jastaǵy ájeni tonap ketken, dep habarlaıdy Egemen.kz Polisia.kz-ke silteme jasap.
Polısııaǵa 75 jastaǵy zeınetker Jumabaev kóshesindegi úıiniń kireberisinde belgisiz bireýdiń 140 myń teńge aqshasy bar qol sómkesin urlap ketkenin aıtyp, aryzdanǵan.
Qarııanyń aıtýy boıynsha, ol kúndizgi ýaqytta bankomattan zeınetaqysyn alǵan. Azyq-túlik satyp alýdy sheship, ol jolda dúkenge kirip, sodan keıin úıine qaıtqan. Ol kireberiske kirip, baspaldaq alańynda 4-qabattaǵy páterge sómkelerdi aparýǵa kómektesýdi usynǵan er adamdy kórgen.
Zeınetker eshteńeden kúdiktenbesten, sómkelerin beıtanys adamǵa berip, onyń sońynan baspaldaqpen kóterilgen. Er adam 4-shi qabatqa tez kóterilip, ony páterdiń aldynda kútip turǵan. Kúdikti oǵan sómkelerdi berip, belgisiz baǵytqa qaraı tez qashyp ketken. Bir-eki saǵattan keıin jábirlenýshi sómkesin tekserýdi uıǵaryp, aqshanyń joq ekenin ańǵarǵan. Almaty aýdany PB-nyń qyzmetkerleri jedel-izdestirý is-sharalaryn júrgizý barysynda buryn urlyq jasaǵany úshin sottalǵan 38 jastaǵy kúdiktini anyqtady.
Atalǵan fakti boıynsha sotqa deıingi tergeý amaldary júrgizilip, onyń qala aýmaǵynda jasalǵan osyǵan uqsas basqa da qylmystarǵa qatystylyǵy tekserilip jatyr.