Reseı prezıdenti Vladımır Pýtın jyl saıynǵy joldaýyn jarııalady. Ol eki saǵatqa jýyq sóz sóıledi. Sońynda Reseı ıadrolyq synaqtardy qaıta bastaı alatynyn, sondaı-aq Strategııalyq shabýyl qarýlaryn shekteý týraly shartty toqtata alatynyn málimdedi, dep habarlaıdy Egemen.kz.
Vladımır Pýtın Reseıdiń strategııalyq shabýyl qarýlary týraly shartqa qatysýyn toqtatyny týraly jarııalady. Bul shartqa eń alǵash 1991 jyly Djord Býsh pen Mıhaıl Gorbachıov qol qoıǵan bolatyn. Ekinshi kelisim 1993 jyly Djordj Býsh pen Borıs Elsınniń arasynda jasalǵan. Al úshinshi kelisim 2010 jyly 8 sáýirde jasalyp, 2011 jyly 5 aqpanda kúshine engen.
AQSh-pen jasalǵan bul kelisim eki eldiń ıadrolyq arsenaldaryn shekteıtin qujat. SShQ-III elderdiń qarym-qatynasyndaǵy daǵdarys jaǵdaıynda da toqtamaǵan bolatyn.
Sarapshylar Kremldiń sheshimi ıadrolyq qarýdy qoldaný qaýpin týdyrýy múmkin dep eskertti. AQSh buǵan deıin de Reseıdi shart talaptaryn buzdy dep aıyptaǵan bolatyn.