Qalanyń kommýnaldyq qyzmetteri qys mezgiliniń basynan beri kúsheıtilgen rejımde táýlik boıy jumys isteıdi. Kún saıyn qar kúreý jumysyna eki myńǵa jýyq jumysshy jumyldyrylady, dep habarlaıdy Egemen.kz qala ákimdiginiń resmı saıtyna silteme jasap.
23 aqpanǵa qaraǵan túnniń ózinde qaladan 17,5 myń tekshe metr qar nemese 1 358 reıs shyǵaryldy.
Beısenbi kúni tańerteń qar kúreý jumystaryna eki myńnan astam jol jumysshysy men myńǵa jýyq arnaıy tehnıka jumyldyryldy.
Qys mezgiliniń basynan beri qar polıgondaryna 3,4 mln tekshe metrden astam qar shyǵaryldy, bul 276 988 reıske teń.
Turaqsyz aýa raıyna jáne temperatýranyń ózgerýine baılanysty kóshede kóktaıǵaq paıda bolady. Qala turǵyndary men qonaqtary kóktaıǵaq kezinde qaýipsizdik erejelerin saqtap, abaı bolý kerek. Azamattardyń emin-erkin júrýi úshin joldarǵa, trotýarlarǵa, kóshelerge qum-tuz qospasy sebiledi.