О́SKEMEN. 4 sáýir. Prezıdent ákimshiliginiń kelisimimen jáne Shyǵys Qazaqstan óńiriniń basshysy Berdibek Saparbaevtyń ókimimen Arman Bekbosynov Glýbokoe aýdanynyń ákimi bolyp taǵaıyndaldy. Bul týraly egemen.kz tilshisi habarlady.
Arman Bekbosynov – О́skemendegi jol-qurylys ınstıtýtyn bitirgen. Uzaq jyldar kólik jáne kommýnıkasııa salasynda jaýapty qyzmetterde boldy. 2008, 2009 jyldary Kólik jáne kommýnıkasııa mınıstrligi strategııalyq josparlaý jáne kólik-kommýnıkasııa keshenin damytý departamenti avtojoldardy damytý basqarmasynyń basshysy, 2009, 2010 jyldary Shyǵys Qazaqstan oblysy jolaýshylar kóligi jáne avtokólik joldary basqarmasynyń basshysy, 2010-2013 jyldar aralyǵynda Katonqaraǵaı aýdanynyń ákimi qyzmetterin atqarǵan. Al 2013 jyldyń tamyz aıynan osy taǵaıyndaýǵa deıin «Ertis» áleýmettik-kásipkerlik korporasııasy» ulttyq kompanııasy» aksıonerlik qoǵamynyń basqarma tóraǵasy bolyp keldi.
Dýman Anash.
Derekkóz: egemen.kz.
Foto: egemen.kz.