Úkimet basshysy men bas bankırdiń esebin tyńdady

Keshe Elbasy Nursultan Nazarbaev Almatydaǵy Rezıdensııasynda Premer-Mınıstr Kárim Másimov pen Ulttyq bank tóraǵasy Qaırat Kelimbetovti qabyldady. Aldymen Úkimet basshysy Elbasyna eldegi alǵashqy jar­tyjyldyqtaǵy ekonomıkalyq damýdyń negizgi qory­tyn­dylary týraly baıandap, kelesi jartyjyldyqtyń josparlary jóninde esep berdi. Nursultan Ábishuly birinshi kezekte jaýapty laýazym ıelerine negizgi makroekonomıkalyq kórsetkishter men valıýta nary­ǵyndaǵy jaǵdaıdyń turaq­tylyǵyn qamtamasyz etýdi tapsyrdy. Elbasy qazirgi álemdik qarjy naryǵynda oryn alǵan jaǵdaılarǵa baılanysty udaıy bolatyn táýekelderdi saraptap otyrý qajettigine basa nazar aýdarý kerektigin atap kórsetti. О́z kezeginde Prezıdentke Ulttyq bank tóraǵasy Qaırat Kelimbetov qarjy salasynyń jaǵdaıy týraly málimdep, eldegi bank júıesiniń jumysyna baılanysty esep berdi. Sol sııaqty bas bankır qarjylyq sektordyń jumysyn rettep otyrǵan tetik­terdiń qarjy-nesıe saıasaty týraly baıandady. Ulttyq bank basshysy óz esebinde elimizdiń ishki jalpy óniminiń naqty ósimi 2014 jyldyń birinshi toqsanynda 3,8 paıyz bolǵanyn jetkizdi. О́tken jyldyń alǵashqy úsh aıymen salystyrǵanda taýarlardyń eksporty 10,8 paıyzǵa kóterilip, 22,7 mıllıard dollarǵa jetken. Al ımport 14,6 paıyzǵa azaıyp, 8,7 mıllıard dollardy quraǵan. Aldyn ala málimetter boıynsha, Ulttyq qordaǵy qarjy kólemi 77 mıllıard dollar bolǵan. Ońtústik astanadaǵy kezdesýde Memleket basshysy Úkimetke de, Ulttyq bankke da naqty tapsyrmalar berdi. Eń bastysy, elimizdiń qarjy júıesinde turaqtylyqty qamtamasyz etý men ekonomıkanyń damý yrǵaǵyn saqtaý qajettigin qadap aıtty. Prezıdent qabyldaýynan keıin Qaırat Kelimbetov jýrnalıstermen qysqa baspasóz brıfıngin ótkizip, BAQ ókilderine qorytyndy aqparat berdi. – Alǵashqy jartyjyldyqtyń makroekonomıkalyq kórset­kish­­­­teri boıynsha aldyn ala esep berdik. Aǵymdaǵy kórset­kish­ter Qazaq­standaǵy makro­eko­nomıka­lyq jaǵdaıdyń turaqty ekendigin kórsetedi. Dál qazirgi tańda ınflıasııa jylǵa shaqqanda 7 paıyz kóleminde tur. Bul Ult­tyq bank bekitken 6-8 paıyz ara­lyǵyndaǵy boljamǵa saı keledi. Sondaı-aq, 1 qańtardan bas­tap búginge deıin turǵyndardyń depo­zıti 500 mıllıard teńgege kóbeıdi. Al aqpan aıynda oryn alǵan aqshanyń keri qaıtýyn qosa eseptegende, bul kórsetkish 10 paıyzdan asty. Sol sııaqty bizder valıý­ta baǵamynyń túzetilýi el ekono­mıkasyna oń nátıjesin berge­nin atap ótýimiz kerek. Onyń ishinde  bıylǵy jyldyń birinshi toqsa­ny­nyń qorytyndysy boıynsha tólem balansynyń oń saldosy qalyptasyp, 6,3 mıllıard dollardan asty. Tolaıym alǵanda osy barlyq kezeńde Ulttyq banktiń altyn-valıýta qory ósip otyrdy. 9 shildedegi kórsetkish boıynsha ol 27,5 mıllıard dollar boldy. Ulttyq qordyń rezervteriniń ósýi esebinen  elimizdiń altyn-valıý­ta qorynyń jıyntyǵy  103 mıllıard dollardan asty. Bul kórset­kish­ter­diń barlyǵy da memlekettegi makroekonomıkalyq jaǵdaıdyń turaqty ekendigin sıpattap, Elba­synyń uzaqmerzimdi strategııa­sy men jyl saıynǵy halyqqa arnaǵan Joldaýyndaǵy tapsyrmalaryn oryndaýǵa múmkindik beredi, – dedi bankır. Brıfıng barysynda Qaırat Kelimbetov tamyz aıynyń basyn­da Memleket basshysynyń tóraǵa­lyq etýimen alǵashqy  jarty­jyldyqtyń eksport-ımport kórset­kishterine óndiristiń barlyq salalary boıynsha aldyn ala qory­tyndylar jasalatynyn jetkizdi. Oǵan qosa, qarjy sek­torynyń da máseleleri talqy­lanyp, Elbasynyń tapsyrma­sy boıynsha qarjy salasyn 2030 jylǵa deıin damytý tujyrym­­dama­synyń jobasy boıynsha jumys­tar júrgizilmek. Sol sııaq­ty ekonomıkalyq ósimniń kórsetkish­teri boıynsha boljamdar, ınflıasııalar, qarjy sektory, nesıeler men depozıtter jaǵdaıy talqyǵa túspek, dedi Ulttyq bank tóraǵasy. Aınash ESALI, «Egemen Qazaqstan». Sýretti túsirgender S.Bondarenko, B.Otarbaev.