Aqparattar aǵyny

● Ústimizdegi jyly mono­qalalardy damytýǵa 1,4 mlrd. teńge qarjy jumsalady. Ony «QazAgro» Ulttyq basqarýshy holdıngi» AQ enshiles kompanııasy – «Aýyl sharýashylyǵyn qarjylaı qoldaý qory» AQ bólip otyr. Al baǵdarlamanyń osy eldi mekender turǵyndaryn jumyspen qamtýǵa baǵyttalǵan basymdyǵy boıynsha res­pýb­lıkalyq bıýdjetten 1,9 mlrd. teńge bólý josparlanǵan. ● Egistikterdi shegirtkeden qorǵaý maqsatynda 440 myń gektardy qosymsha óń­deý úshin preparattar bó­lin­di. Aýyl sharýashylyǵy mı­nıstrligi agroónerkásiptik ke­shendegi memlekettik ınspek­sııa komıtetiniń tóraǵasy Saq­tash Hasenovtiń aıtýynsha, jab­dyqtar shegirtkelerdiń Reseıden Qazaqstanǵa transshekaralyq aýysýyna baılanysty Qostanaı oblysynda – 400 myń, Aqtóbe oblysynda 40 myń gektar alqapty óńdeý úshin alynady. ● Ońtústikte 2,3 mln. tur­ǵyn aýyz sýmen qamtamasyz etildi. «Aq bulaq» baǵdarlamasy aıasynda 929 eldi mekenniń 665-i, ıaǵnı 71,5 paıyz bóligi ortalyqtandyrylǵan aýyz sý qubyryna qosyldy. Bıylǵy jyly baǵdarlama boıynsha 8,6 mlrd. teńge qarjy bólinip, taǵy 29 nysannyń qurylys jumystary júrgizilýde. ● Astanalyq oqýshylar keshe «Báıterek» monýmenti­niń aldynda óleń oqydy. Sha­rany uıymdastyrýshylar habar­laǵandaı, munyń «Jas kóshbasshy mektebi» baǵdar­la­masynyń ózindik sheshýshi emtıhany bolyp tabylatynyn aıtty. Onyń maqsaty balalardy ómir syndarynan ótýge jáne táýelsiz qalyp ustaýǵa úıretý bolyp tabylady. ● Oralda «Qaraǵandy» atty keme sýǵa túsirildi. Ke­she qaladaǵy Shaǵan ózeniniń jaǵa­synda «Aıbar» jobasy boıynsha Shekara qyzmetiniń tapsyrysy boıynsha jasalǵan jyldam júretin «Qaraǵandy» kúzet katerin sýǵa túsirý rásimi boldy. Onda oblys ákimi Nurlan Noǵaev atap ótkendeı, bul – «Oral «Zenıt» zaýyty» AQ memlekettik tapsyrysqa sáıkes jasap shyǵarǵan 22-shi keme. ● Qyzylorda qalasynda aıtysker aqyn Muhtar Nııa­zovqa úsh bólmeli páter berildi. «Altyn dombyra» ıege­ri atanǵan shyǵarmashylyq ıesi­ne jańa qonystyń kiltin tabys etken oblys ákimi Qyrym­bek Kósherbaev rýhanı qun­dy­lyqtardy bıikke kóterýshi tulǵalarǵa udaıy qamqorlyq jasalyp turatynyn jetkizdi. ● Astana kóshesinde shekil­deýik shaqqandar 10 táýlik­ke qamaldy. Elordanyń qa­la­lyq soty mundaı sheshimdi tártipke baǵynbaǵan 60-tan as­tam adamǵa qatysty shyǵardy. «Tárbıelik máni bar osyndaı ashyq sot prosesterin endi joǵary oqý oryndarynda jıi ótkizip turatyn bolamyz», – dedi mamandandyrylǵan aýdanaralyq sot sýdıasy Qanat Imanálıev osyǵan oraı. Habarlar «QazAqparat», Egemen.kz agenttikteri men oblystyq ákimdikter saıttarynyń derekteri boıynsha daıyndaldy.