Jelide halyqqa qyzmet kórsetý ortalyqtary qytaı tilinde de qyzmet kórsetedi degen aqparat shubyryp júr. Sıfrlyq damý, ınnovasııalar jáne aeroǵarysh ónerkásibi vıse-mınıstri Áset Turysov bul aqparatqa qatysty pikir bildirdi, dep habarlaıdy Egemen.kz.
Ortalyq kommýnıkasııalar qyzmeti alańynda ótken baspasóz máslıhatynda BAQ ókilderi vıse-mınıstrden: «Elimizdegi halyqqa qyzmet kórsetý ortalyqtarynda qazir úsh tilde qyzmet kórsetiledi. Olar - qazaq, orys, aǵylshyn tilderi. Endi oǵan qytaı tilin qosyp jatyr eken. Sebebi ne? Qytaı men Qazaqstan arasyndaǵy vızasyz rejımge baılanysty ma? Álde basqa sebebi bar ma? Ne úshin tórtinshi til retinde basqa emes, dál qytaı tili qosylyp jatyr?» dep surady.
Bul saýalǵa Áset Turysov jaýap berdi.
«Atalǵan aqparat jalǵan ekendigin aıtqym keledi», dedi vıse-mınıstr.