Polısııaǵa 6 granata ákeldi

Turǵyndardan tirkel­­­megen qarý men oq jaraq­­taryn qabyldaý boıynsha respýblıkalyq aksııa Jambyl oblysynda jalǵasyn tabýda. Tarazdyń 28 jasar turǵyny polısııaǵa óz úıiniń garajyndaǵy eski zattar arasynan, shamasy qoldan jasalynǵan áskerı granatalar bolýy múmkin, tutandyrǵyshtary bólek jatqan 6 granata taýyp alǵanyn habarlaǵan. Sóıtip, garajyn retke keltiremin dep sheshken jas jigit bú­tindeı áskerı arsenal sa­lynǵan qapshyqqa tap bolypty. Osydan birneshe jyl buryn ákesiniń qaıtys bol­ǵan dosynyń ótinishi boıyn­sha osy qapshyq basqa da zattarmen birge garaj­ǵa ákelingen eken. Onyń arasynda jarylǵysh zattardyń bolýy týraly jas jigit eshbir kúdiktenip te kórmepti, al qazir bolǵan oqıǵa jóninde birden polısııaǵa habarlaǵan. Tótenshe oqıǵa ornyna UQQB qyzmet­­­­kerleri, IID «Arlan» arnaıy maqsat­taǵy bólinis, Taraz qalasy IIB 3-PB krı­mı­na­lısteri men anyq­taýshylary shuǵyl ret­te jetti. Tabylǵan «olja» RGD-5 ás­ke­rı granatalary de­­gen aldyn ala boljam aıtyl­dy. Aıta keteıik, qarý men atý jaraqtaryn óz er­kimen ótkizgen tul­­ǵa­lar qyl­mystyq jaýap­ker­shi­likten bosatylady. Sábıt MAMYTBEKOV, Taraz qalasy IIB 3-PB bastyǵy, polısııa polkovnıgi.