«Kóknár-2014» jedel-aldyn alý sharalaryn júrgizý barysynda «Vagon- Servıs» AQ mańynan 24 jastaǵy kúdikti ustaldy. Ony tekserý kezinde polıetılen dorbaǵa salynǵan jasyl tústi arnaıy ısi bar ósimdik tabyldy. Jasalǵan saraptamaǵa sáıkes alynǵan zat 2 kıloǵa jýyq keptirilgen marıhýana bolyp shyqty. Qazirgi ýaqytta onyń ústinen Qylmystyq kodekstiń 259-baby boıynsha qylmystyq is qozǵaldy.
Sol sekildi esirtkige qarsy kúres qyzmetkerleri «Aqtóbe – Astrahan» tas joly boıynda «VAZ» markaly jeńil kólikti toqtatqan edi. Kólikte júrgizýshiden basqa úsh jolaýshy bolǵan. Kólikti qyzmettik ıtti paıdalanýmen tekserý kezinde jasyl tústi ósimdik tektes zat salynǵan úsh dorba tabyldy. Saraptama qorytyndysyna sáıkes jalpy kólemi 3 kılo marıhýana alyndy. Keıin belgili bolǵanyndaı, júrgizýshi de, úsh jolaýshy da Temir aýdanynyń turǵyndary bolyp shyqty.
Satybaldy SÁÝIRBAI,
«Egemen Qazaqstan».
Aqtóbe oblysy.