Memleket basshysy Nursultan Nazarbaev Eýropalyq Komıssııanyń tóraǵasy laýazymyna saılanýyna baılanysty Jan-Klod Iýnkerge quttyqtaý jedelhatyn joldady, dep habarlady Prezıdenttiń baspasóz qyzmeti.
Jedelhatta Nursultan Nazarbaev Qazaqstan halqy jáne jeke óz atynan J.-K.Iýnkerdi Eýropalyq Komıssııanyń tóraǵasy laýazymyna saılanýymen quttyqtaǵan.
Qazaqstan Prezıdenti Lıýksembýrg Premer-mınıstri qyzmetindegi jáne Eýropalyq toptaǵy basshylyǵy kezinde jınaǵan J.-K.Iýnkerdiń mol tájirıbesi, Eýropa máselelerine asa jetiktigi oǵan Eýropalyq odaqtyń ornyqty damýyna zor úlesin qosýyna septigin tıgizedi dep senetinin aıtady.
«Sizdiń 2008 jyly Astanaǵa jáne meniń 2010 jyly Brıýsselge jasaǵan saparlarymyz barysynda aramyzda ornyqqan ózara túsinistik pen senimge negizdelgen syndarly dıalogty jalǵastyrýǵa ázir ekenimdi bildiremin. Qazaqstan men Eýropalyq odaq arasyndaǵy qarym-qatynastar keńeıtilgen áriptestik pen yntymaqtastyq týraly jańa kelisim aıasynda jańa sapaly deńgeıge kóteriledi dep úmit artamyn», delingen jedelhatta.