Qazaqstan Respýblıkasy Prezıdenti Ákimshiliginiń Basshysy Nurlan Nyǵmatýlınniń qatysýymen oblystar jáne Astana, Almaty qalalary ákimderiniń apparat basshylaryna arnalǵan semınar qorytyndysy boıynsha keńes ótti, dep habarlady Prezıdenttiń baspasóz qyzmeti.
Keńeste oblystar men Astana, Almaty qalalary ákimderiniń apparat basshylary qatysqan eki kúndik semınar-keńestiń qorytyndysy jasalyp, saılanǵan aýyl ákimderin qosa alǵanda, jergilikti ózin ózi basqarý organdarynyń jumysyn odan ári jetildirý, ortalyq pen óńirler arasyndaǵy ókilettikterdiń aıyrmashylyqtary, sondaı-aq, Memleket basshysynyń aktileri men tapsyrmalarynyń oryndalý máseleleri talqylandy.
Prezıdent Ákimshiliginiń Basshysy ákimdikterdiń jumysyndaǵy anyqtalǵan kemshilikterdi joıýǵa jáne Memleket basshysynyń aktileri men tapsyrmalarynyń múltiksiz oryndalýyna qatysty naqty tapsyrmalar berdi.