«Aqnıet» aýylǵa kómektesedi

Byltyrdan beri Qyzylordada bir ıgi is qolǵa alynǵan. «Lýkoıl» munaı kompanııasy óz kásibin ashyp, tirligin jasaǵysy keletin adamdarǵa qaıtarymsyz 1 mıllıon teńge kóleminde nesıe bere bastady. Joba «Aqnıet» dep ataldy. Mundaı bastamany oblys ákimi Qyrymbek Kósherbaev kóterip, munaı kompanııasy aımaq basshysynyń usynysyn ómirge endirgenin aıtqan abzal. О́tken jyly kásip bastaýǵa nıet bildirgen 75 joba júzege asty. Nátıjesin araǵa jyl salyp uıymdastyrylǵan kórmeden kórdik. Biri shashtaraz, endi biri naýbaıhana, balabaqsha, tigin sehyn ashyp, aýylǵa qajetti qyzmet túrlerin kórsetip jatyr eken. Jyl boıy jasaǵan jumystaryn kásipkerler osy kórmede tanystyrdy. Kásipkerler úlken qoldaý bolǵanyn aıtty. Al, burnaǵy kúni «Lýkoıl Over­sız Servıs» munaı kompanııa­sy qarjylandyratyn «Aqnıet» áleýmettik  baǵdarlamasynyń 1 mıllıon teńgege deıin qaıta­rym­syz nesıe granttarynyń jeńim­pazdary anyqtaldy. Baǵdarlamanyń úzdik dep tanyl­ǵan 97 joba ıesine aımaq basshysy Qyrymbek Kósherbaev pen «Lýkoıl Oversız Servıs» kom­panııasynyń  qazaqstandyq fılıalynyń dırektory Andreı Kırıllov  grant sertıfıkattaryn saltanatty túrde tabystady. – 1 mıllıon qaıtarymsyz grant aýyldyq jerde kásip bas­taýǵa úlken kómek bolǵany sózsiz. Shaǵyn jáne orta kásipkerlikti 5 ese arttyrýymyz qajet. О́t­ken jyly óńirge áleýmettik kásipkerlik korporasııasy arqyly 3 mıllıard teńge berildi. Bıyl taǵy 4 mıllıard teńge alamyz. Bastysy kásipkerlerdiń jaqsy jobalary bolsa, júzege  asyrýyna qoldaý bildiremiz, – dedi oblys ákimi. Bıyl konkýrsqa 1200-ge jýyq úmitker óz jobalaryn usynǵan. Sonyń talapqa saı kelgen 95 jobasyna 1 mıllıon teńgege deıin qaıtarymsyz granttar berilip otyr. – Aýyl turǵyndarynyń bel­sendiligi joǵary. Bir jyldyń qorytyndysy boıynsha jasalǵan kórmeni aralap kórdik. Nátıjeniń qandaı deńgeıde ekeni anyq ańǵarylyp tur. Konkýrsqa qa­ty­sýǵa nıet bildirgender kóp. Jobalardyń  eldi mekenderge qa­jettiligi eskerildi,– dedi An­dreı Kırıllov. «Aqnıet» baǵdarlamasynyń sheńberinde «Áleýmettik kásipker», «Jańalyq», «Qo­l­óner», «Qamqor», «Bastama» jáne «Igi­lik» degen nomınasııalar boı­yn­sha baıqaýǵa múmkindigi shek­teýli jandar, jalǵyzbasty analar, kóp balaly jáne turmysy tómen otbasylar qatysqanyn aıta keteıik. Erjan BAITILES, «Egemen Qazaqstan». Qyzylorda oblysy.