Áleýmettik jelide máıitti tapqan balyqshy jarııalaǵan vıdeo tarady. Vıdeo avtorynyń aıtýynsha, ol tańerteń arnaǵa balyq aýlaýǵa barǵan. Ol áýeli qyzdyń kıimin baıqaǵan, keıin sý túbinde jatqan máıitti kórip, ony vıdeoǵa túsirip alǵan.
Polısııa vıdeoǵa qatysty túsinikteme berdi.
«2 shilde kúni saǵat 08:00 shamasynda 102 kezekshi pýltine Aqtaý qalasyndaǵy kópirden alys emes jerde sý jınaıtyn kanaldyń túbinde adam máıiti jatqany týraly málimet kelip tústi», delingen habarlamada.
Atalǵan derek Sotqa deıingi tergep-tekserýlerdiń biryńǵaı tizilimine QR Qylmystyq kodeksiniń 105-baby boıynsha tirkeldi.
Marqum Valerııa Shalnovanyń týystary qyzdy bireý óltirip, sýǵa ózi batyp ketkendeı etip kórsetpekshi bolǵanyn alǵa tartty. Qylmystyń sebebi qyzǵanysh bolýy múmkin. Qyzdyń jigiti oǵan jıi qol jumsaǵany belgili boldy.