Qazaqstan qor bırjasy (KASE) dollardyń ortasha saralanǵan baǵamy taǵy 0,98 teńgege kóterilip, 445,68 teńgeni quraǵanyn habarlady, dep jazady Egemen.kz.
Qytaı ıýaniniń ortasha saralanǵan baǵamy azdap tómendep, 62,24 teńgeni (-0,04) qurady.
Ulttyq bank eýro baǵamyn 495,37 teńge, rýbldi 4,95 teńge dep belgiledi.
Aqsha aıyrbastaý oryndarynda dollar 444-447 teńge, eýro 488,5-492,5 teńge, reseı rýbli 4,81-5,03 teńge aralyǵynda satylyp jatyr.
Al 28 shildedegi aýksıonda álemdik munaı baǵasy tómendep jatyr.Osylaısha, Londonnyń ICE Futures bırjasynda Brent markaly munaıdyń qyrkúıektegi fıýchersteriniń baǵasy 0,58%-ǵa tómendep, barreline 83,75 dollardy qurady.
Nıý-Iork taýar bırjasynda (NYMEX) elektrondyq saýdada qyrkúıek aıyndaǵy WTI markaly munaı fıýchersteriniń baǵa belgilenimi 0,46%-ǵa arzandap, barreline 79,72 dollardy qurady.