Jańa 2023-2024 oqý jylynda birinshi synypqa baratyn balalardyń 68,2 paıyzy memlekettik tilde oqýdy tańdaǵan, dep habarlaıdy Egemen.kz.
Oqý-aǵartý mınıstrliginiń málimetinshe, jańa oqý jylynda elimizdiń mektepterinde bilim alatyn 3,9 mıllıon oqýshynyń ishinde 364 myń bala birinshi synypqa qabyldanady.
Qazir Qazaqstanda 7,7 myń orta bilim berý uıymy jumys isteıdi. Mektepterde sapaly daıyndyq pen oqý-tárbıe úrdisin uıymdastyrý, synyp-keshenderin qalyptastyrý qolǵa alynyp jatyr. Birinshi synypqa qabyldanýshylar Almaty qalasynda, Túrkistan, Almaty oblystarynda kóp. Sondaı-aq balalardyń memlekettik tilde bilim alýy boıynsha Shymkent qalasy, Túrkistan, Almaty oblystary kósh bastap tur.
Eske sala ketsek, 2021 jyly birinshi synyp oqýshylarynyń 64 paıyzy qazaq tilinde bilim alýdy tańdaǵan edi.