19 tamyzda Qazaqstannyń 14 oblysynda naızaǵaı oınap, kún ysıdy. Sınoptıkterdiń aıtýynsha, burshaq ta jaýady, dep habarlaıdy Egemen.kz «Qazgıdromet» RMK-ǵa silteme jasap.
19 tamyzda Jetisý oblysynyń taýly aýdandarynda naızaǵaı oınaıdy. Soltústik-shyǵystan jel soǵady, oblystyń shyǵysynda ekpini 15-20 m/s bolady. Jetisý oblysynyń batysynda joǵarǵy órt qaýpi saqtalady.
19 tamyzda kúndiz Batys Qazaqstan oblysynyń basym bóliginde 35-36 gradýs ystyq bolady, oblystyń basym bóliginde tótenshe órt qaýpi saqtalady.
19-21 tamyzda Qaraǵandy jáne Ulytaý oblysynda joǵary órt qaýpi bolady.
19 tamyzda kúndiz Atyraý oblysynda 35-38 gradýs qatty ystyq bolady, oblystyń basym bóliginde tótenshe órt qaýpi saqtalady.
19 tamyzda kúndiz Aqmola oblysynyń soltústiginde naızaǵaı oınaıdy. Batystan, soltústik-batystan jel soǵady, naızaǵaı kezinde ekpini 15-20 m/s deıin jetedi. 19-20 tamyzda oblystyń batysynda, ońtústiginde, soltústiginde joǵary órt qaýpi saqtalady.
Sınoptıkterdiń aıtýynsha, 19-21 tamyzda Qyzylorda oblysynyń basym bóliginde tótenshe órt qaýpi bolady.
19 tamyzda Pavlodar oblysynyń soltústiginde, shyǵysynda naızaǵaı oınaıdy.
19 tamyzda kúndiz Aqtóbe oblysynyń soltústiginde naızaǵaı oınaıdy. Shyǵystan, soltústik-shyǵystan jel soǵady, naızaǵaı kezinde ekpini - 15-20 m/s. Kúndiz oblystyń ońtústiginde, batysynda 37 gradýs qatty ystyq bolady. 19 tamyzda oblystyń basym bóliginde tótenshe órt qaýpi bolady.
19 tamyzda Mańǵystaý oblysynyń soltústiginde, batysynda, ortalyǵynda naızaǵaı, burshaq jaýady. Soltústikten, soltústik-batystan jel soǵady, kúndiz oblystyń soltústiginde - 15-20 m/s. Oblystyń basym bóliginde tótenshe órt qaýpi saqtalady.
19-21 tamyzda Almaty oblysynyń soltústiginde tótenshe órt qaýpi bolady, al oblystyń ońtústiginde joǵary órt qaýpi saqtalady. Almaty jáne Qonaev qalalarynda 19-21 tamyzda joǵary órt qaýpi bolady.
19 tamyzda kúndiz Qostanaı oblysynyń soltústiginde naızaǵaı oınap, daýyl soǵady. Túnde jáne tańerteń oblystyń shyǵysynda tuman túsedi. Batystan, soltústik-batystan jel soǵady, naızaǵaı kezinde ekpini 15-20 m/s bolady. 19 tamyzda Qostanaı oblysynyń ońtústiginde tótenshe órt qaýipi bolady.
19 tamyzda kúndiz Soltústik Qazaqstan oblysynyń soltústiginde, batysynda naızaǵaı oınap, burshaq jaýady. Batystan, soltústik-batystan jel soǵady, kúndiz oblystyń soltústiginde, batysynda, shyǵysynda ekpini 15-20 m/s bolady. 19 tamyzda oblystyń basym bóliginde joǵary órt qaýpi saqtalady.
19-21 tamyzda Jambyl oblysynyń ońtústik-batysynda, soltústik-shyǵysynda, taýly aýdandarynda soltústik-shyǵystan jel soǵady, kúshi 15-20 m/s deıin jetedi. 19-21 tamyzda tótenshe órt qaýpi saqtalady.