Eýrokýbokke qaıta oraldy

Burnaǵy kúni elordalyq komanda syrt alańda UEFA Kon­ferensııa lıgasynyń pleı-off kezeńi aıasynda Albanııanyń «Par­tızanı» klý­bymen qarymta oıyn ót­kizdi. Alǵashqy mınýttan al­banııalyq fýtbolshylar shabýyldaýmen boldy. Oǵan sebep te joq emes edi. О́ıtkeni albanııalyq komanda bir apta buryn alǵashqy kezdesýde «Astanadan» 0:1 esebimen je­ńilgen edi. Nátıjesinde, «El­basanı» stadıonyna jınalǵan 6 myń jankúıerdiń aldynda alań qojaıyndary 25-mınýtta esep ashty. Buryshtamadan áýelete berilgen dopty baspen qaqpaǵa engizgen – Arkanj Bıntsýka.

Biraq «Astana» oıynshylary bir apta burynǵy alǵashqy kezdesýde óte belsendi oınap, qa­rymta kezdesýde baryn salatynyna ózimiz de kýá bolǵan edik. Jankúıerler kút­kendeı, Grıgorıı Babaıan shákirtteri syrt alańda baryn saldy. Ásirese ekinshi kezeńde. Tú­rik tóreshisi Abdýlqadyr Biti­genniń ysqyryǵy estile sala elordalyq komanda oıyn­dy belsendi bastady. Osyn­daı belsendilik 46-mınýtta Ma­rın Tomasov tarazy basyn teńestirýge múmkindik týǵyz­dy. Esep – 1:1. Qalǵan ýa­­qytta qos komanda qansha már­te shabýyldaǵanymen, esep óz­gerissiz qaldy.

Eki oıynnyń nátıjesimen «Astana» Konferensııa lıgasy toptyq satysyna joldama aldy.

– «Astana» tórt jyldan keıin eýrokýboktiń top­tyq kezeńine oraldy. Endi qazaq­standyq jan­kúıer­ler elor­dalyq klýb­tyń oı­ynshy­lary men jat­tyq­­­tyrýshylar shtabymen maq­tana alady. Fýtbolshylar óz nátı­je­lerimen Konferensııa lıga­synyń toptyq kezeńinde oı­naýǵa laıyqty ekendigin dáleldedi. Komandanyń bas bap­keri Grıgorıı Ba­baıan­dy qut­tyqtaımyn, ol qazaq­standyq klýbty eýrokýbok tobyna shy­­ǵaryp qana qoımaı, óz ná­tı­jesin qaıtalaı alatyn jalǵyz otandyq maman. Bul nátıje qazaqstandyq fýt­­bolǵa odan ári serpin be­retinine senimdimin, – dedi «As­­tana» fýtbol klýby bas dırektorynyń keńesshisi Saıan Hamıtjanov.

Sońǵy ret «Astana» 2019 jyly Eýropa lıgasy top­tyq kezeńinde «Manchester Iýnaı­tedpen» kezdesip, 2:1 esebimen jeńiske jetken edi.

Bir qyzyǵy, «Astana» Chem­pıondar lıgasy, Eýropa lıgasy jáne Konferensııa lı­ga­sy­nyń toptyq kezeńine joldama alǵan tuńǵysh otan­dyq komanda bolyp otyr.

Atalǵan kúni, ókinishke qaraı, qostanaılyq «Tobyl» Kon­fe­rensııa lıgasy pleı-off satysynda jarys jolyn aıaqtady. Chehııanyń «Vık­torııa Plzen» koman­dasyna qarsy oınaǵan qos­tanaılyqtar syrt alańda 0:3 esebimen jeńilis tapty. Bir apta buryn elimizde «Tobyl» 1:2 esebimen ese jiber­gen bolatyn. Aıta ketsek, qa­zaq­stan­dyq «Ordabasy» jáne «Aqtóbe» Kon­ferensııa lıgasy úshinshi irikteý satysynda jarys jolynan shy­ǵyp qalǵan edi.

Keshe keshkisin UEFA Kon­­fe­­rensııa lıgasy top­tyq sa­tysynyń jerebesi Fran­­sııa­nyń Monako qala­syn­da ótti.

Nátıjesinde, S tobyna tús­ken «Astana» horvatııalyq «Dınamo» Zagrebpen, chehııa­lyq «Vıktorııa Plzenmen» jáne kosovalyq «Balkanımen» jasyl alańda kezdesedi.