2 qyrkúıekte «Koper» fýtbol komandasy Slovenııa chempıonatynyń jetinshi týry aıasynda syrt alańda «Domjalemen» kezdesti. Bul matchta qonaqtar komandasynyń oıynshysy, jerlesimiz Ramazan Orazov debıýttik oıynǵa shyqty.
R.Orazov «Koper» sapynda Andraj Rýedldiń ornyna 46-mınýtta alańǵa shyǵyp komandalastarymen birge jeńiske jetti. Oıyn barasynda Maks Barısıch (5-shi mınýt) jáne Mateı Palchıch (62-shi) qaqpany dál kózdep, «Koperdi» jeńiske jetelese, al «Domjale» sapynda Tılen Klemenchıch (43-shi) gol soqty. Osy jeńistiń arqasynda R.Orazovtyń komandasy 12 upaı jınap, týrnır kestesinde ekinshi orynǵa kóterildi. Al «Domjale» 5 upaımen jetinshi orynǵa syrǵydy.
Aıta keteıik, Orazov erkin agent quqyǵymen 28 tamyzda «Koperge» aýysyp, 2025 jyldyń 31 mamyryna deıin kelisimshartqa qol qoıdy. 25 jastaǵy havbek buǵan deıin «Tobyl», «Aqsý», «Aqtóbe» jáne «Qaırat» komandalarynda oınady. Tipti reseılik «Chaıka» jáne latvııalyq «Daýgavpıls» sapynda dop tepken. 2021 jyldan beri ulttyq quramaǵa shaqyryla bastady.