8 qyrkúıekte saǵat 20:30 shamasynda Aqtaý qalasyndaǵy «Amfıteatr» alańynda «Ulttyq Banktiń 100 jyldyǵyna» arnalǵan konsert uıymdastyryldy. Atalǵan sharanyń qaýipsizdigin qamtamasyz etýge Ulttyq ulannyń 6656 áskerı bóliminiń jaýyngerleri tartyldy, dep habarlaıdy Egemen.kz.
Ulandyqtar qyzmetin atqarý kezinde jas jigittiń ózin nashar sezinip, esinen tanyp qalǵanyn baıqady. Qatardaǵylar Myrzahan Mákın men Aıdyn Smatovtan quralǵan áskerı jasaq dereý er adamǵa jaqyndap, radıostansııa boıynsha sanıtarlyq nusqaýshy serjant Nursultan Noǵaevty shaqyrtady. Sodan keıin ol alǵashqy medısınalyq kómek kórsetip, jedel járdemge qońyraý soǵady.
Medısına qyzmetkerleri kelgen soń naýqas Mańǵystaý oblystyq aýrýhanasyna jetkizildi.
- Ulttyq ulan jaýyngerleri tek qoǵamdyq tártipti qamtamasyz etpeıdi. Keıde qala turǵyndaryna medısınalyq kómek te kórsetýge týra keledi. Biz esinen tanyp qalǵan adamdy baıqadyq. Oılanýǵa ýaqyt bolmady - kómektesýge týra keldi. Adamnyń ómiri bárinen qymbat, - dep bólisti 6656 áskerı bóliminiń medısınalyq pýnktiniń feldsheri serjant Nursultan Tastemirov.