Búgin Prezıdent Ákimshiliginiń kelisimi boıynsha, qala ákiminiń ókimimen Sársen Abaıuly Quranbek Shymkent qalasy ákiminiń orynbasary laýazymyna taǵaıyndaldy, dep habarlaıdy Egemen.kz Shymkent qalasy ákiminiń baspasóz qyzmetine silteme jasap.
Sársen Abaıuly 1976 jyly Almaty oblysy, Kerbulaq aýdany, Qyzyljar aýylynda týǵan.
Ál-Farabı atyndaǵy Qazaq ulttyq ýnıversıtetin, Qazaqtyń sport jáne týrızm akademııasyn jáne Qaztutynýodaǵy Qaraǵandy ekonomıkalyq ýnıversıtetin fılosofııa pániniń, dene shynyqtyrý mádenıetiniń oqytýshysy, karate jattyqtyrýshysy, quqyqtaný mamandyqtary boıynsha bitirgen.
Eńbek jolyn 1995 jyly Almaty qalasyndaǵy «№ 4 olımpıadalyq rezervtegi mamandandyrylǵan balalar-jasóspirimder mektebi» memlekettik kommýnaldyq qazynalyq kásipornynyń jattyqtyrýshy-oqytýshysy bolyp bastaǵan.
2003–2023 jyldar aralyǵynda jeke sektorda jáne ortalyq memlekettik organdarda jaýapty basshylyq qyzmetter atqarǵan.
2023 jyldyń aqpan aıynan bastap búginge deıin Mádenıet jáne sport vıse-mınıstri laýazymyn atqardy.