Bir óńirde ári kórshiles ornalasqandyqtan, Qazaqstan men О́zbekstannyń alys-berisi eshqashan ajyraǵan emes. Ár eldiń ózine tán eksporttyq jáne ımporttyq múddesi bar. Bıyl qańtar-qyrkúıek qorytyndysy boıynsha eki el arasyndaǵy taýar aınalymy 3,3 mlrd dollardy qurady, bul byltyrǵydan 4 paıyzǵa az.
Sarapshylardyń aıtýynsha, taýar aınalymynyń basym bóligi dástúrli túrde Qazaqstan eksportyna tıesili. 2,3 mlrd dollar – munyń ózi 2022 jyldyń sáıkes kezeńinen 7 paıyzǵa tómen. Kerisinshe, ımport 4 paıyzǵa ósip, 957,8 mln dollarǵa jetken. Elimizdiń taýar aınalymynyń jalpy qurylymynda kórshiles respýblıkanyń úlesi – 3,2 paıyz. Qazaqstan eksportyndaǵy О́zbekstan úlesi – 4 paıyz, ımportta – 2,2 paıyz.
Elimiz negizinen ózbek aǵaıyndarǵa bıdaı men meslın tasymaldaıdy. Onyń quny bıyl 615,4 mln dollardy quraǵan jáne bul byltyrǵy kórsetkishten 19,1 paıyzǵa artyq. Sonymen birge tot baspaıtyn bolattan jasalǵan prokat, bıdaı uny, maı ónimderi jáne tyńaıtqyshtar jetkizedi. Olar bizge negizinen trıkotaj kıimderin satady. Quny bıyl 36,3 mln dollar bolǵan, sáıkesinshe byltyrǵydan 42,6 paıyzǵa artyq. Sonymen qatar tanymal ımport sanattaryna jalpaq prokat, avtokólikterdiń qosalqy bólshekteri, avtobýstar, tońazytqysh jáne muzdatý jabdyqtary kiredi.
Úkimet baspasóz qyzmetiniń habarlaýynsha, Qazaqstan men О́zbekstan ózara saýda kólemin 10 mlrd dollarǵa deıin arttyrý boıynsha belsendi jumys júrgizip jatyr. Qazaqstan ekijaqty ózara is-qımyldyń barlyq spektri boıynsha О́zbekstanmen yntymaqtastyqty birtindep damytýǵa bar kúsh-jigerin salmaq.
2023 jyldyń 1 qarashasyndaǵy jaǵdaı boıynsha elde О́zbekstannyń qatysýymen 3 myń kásiporyn men fılıal jumys istep tur, bul byltyrǵydan 44,4 paıyzǵa kóp. Olardyń barlyǵy derlik – shaǵyn kásiporyndar. Kompanııalardyń kópshiligi kóterme jáne bólshek saýda, avtokólik pen motosıkl jóndeý salasynda jumys isteıdi. 904 kásiporyn, bir jylda 23,3 paıyzǵa kóbeıgen.
О́nerkásiptiń jetekshi bestigine sondaı-aq qurylys (552 kásiporyn, 36 paıyzǵa kóbeıgen), kólik jáne qoımalaý (128 kásiporyn, 2,1 ese kóbeıgen), turý jáne tamaqtandyrý qyzmeti (123 kásiporyn, 32,3 paıyzǵa kóbeıgen) jáne óńdeý ónerkásibi (109 kásiporyn, 10,1 paıyzǵa kóbeıgen) kirdi.
Qazaqstan rezıdentteriniń О́zbekstan ınvestorlary aldyndaǵy mindettemeleri bıyl 1 shildede 385 mln dollarǵa jetken. Bul byltyrǵydan 16,6 paıyzǵa artyq. Salystyrý úshin aıtar bolsaq, byltyr dál osy kezeńde bul 330,1 mln dollar bolǵan, kórsetkish bir jylda 17,8 paıyzǵa ósip otyr.