Kólik mınıstrligine qarasty «Jol aktıvteri sapasynyń ulttyq ortalyǵy» respýblıkalyq memlekettik kásiporny Shymkent qalalyq fılıalynyń negizgi mindeti – jol qurylysynyń sapasyn jiti baqylaý.
Osy oraıda atalǵan mekeme qyzmetkerleri bıyl 650 ret qaıta jasalyp jatqan jóndeý ústindegi joldarǵa shyǵyp, 1 110 jol-qurylys materıalynan synama alǵan. О́z kezeginde 600-den asa synama talapqa saı bolmaı shyqty. Endigi rette oryn alǵan kemshilikterdi joıý maqsatynda tıisti jumystar atqarylady.
«Búgingi tańda jol qurylysynda anyqtalǵan aqaýlarǵa baılanysty merdigerge, tehnıkalyq qadaǵalaý mekemelerine arnaıy hattamalar toltyryldy. Nátıjesinde, 11 tehnıkalyq qadaǵalaýshyǵa aıyppul salyndy», dedi «Jol aktıvteri sapasynyń ulttyq ortalyǵy» RMK Shymkent qalalyq fılıaly synaq zerthanasynyń meńgerýshisi Ermek Namazov.
Aıta ketý kerek, bıyl Shymkentte 241 kóshege ortasha jóndeý jumystary júrgizildi. Onyń 15-i – kólik aǵyny joǵary magıstraldy kósheler.
ShYMKENT