Qazaqstannyń halyq ártisi Dımash Qudaıbergen kúlli álemdegi tyńdarmandaryna alǵys aıtty, dep habarlaıdy Egemen.kz.
О́ner ıesiniń jankúıerleri ózderin «Dears» dep atap ketken.
«Qurmetti dostar, súıikti Dears! Búgin men úshin óte mańyzdy kún. Sebebi biz jetinshi mereıtoıymyzdy atap ótkeli jatyrmyz! О́zderińiz bilesizder, 7 sany qazaq halqy úshin qasıetti san. Sondyqtan men sizdermen birge bolǵan 7 jylymnyń árbir sátine sheksiz rızamyn. Men ózimniń shyǵarmashylyǵymdy sizdermen bólisip pash ete alatynymdy jáne sizdermen birge keremet estelikter jasaǵanymdy maqtan tutamyn. Qoldaýlaryńyz úshin myń alǵys! Árqashan baqytty bolyńyzdar! Aldaǵy bolatyn konsertimde kezdeskenshe!», dep jazdy áıgili ánshi.
Álemniń túkpir-túkpirindegi tyńdarmandary súıikti ánshisine rızashylyqqa toly quttyqtaý tilekterin jaýdyryp jatyr.