Jeti mektep paıdalanýǵa beriledi

О́ńirde 507 orta bilim berý uıymynda 248 myńnan astam oqýshy bilim alyp jatyr. Áleý­mettik osal otbasylar­dan shyqqan 11 326 balany tegin tamaqpen qamtamasyz etý maq­satynda qyr­kúıek aıynda 425,6 mln teńge qarastyrylǵan. 2023 jyly 20 mekteptiń jáne 8 bilim ordasynyń japsarlas qurylysyn júrgizýge qazynadan qomaqty qarajat bó­lingen.

Oblys ákimdigine qarasty bilim basqarmasynyń basshylyǵy keltirgen derekke júginsek, osy jy­ly 19 qurylys nysany paı­dalanýǵa berilmek. О́ńir basshysy Erbol Qarashókeev «Jaıly mektep» ulttyq jobasy aıasynda qurylys jumystary júrgiziletin nysandarǵa aıryq­sha nazar aýdaryp otyr. О́ıtkeni ulttyq joba aıasynda kúrmeýi kúrdeli birneshe másele sheshimin tabatyn bolady.

Jalpy alǵanda, Jambyl oblysynda 2023-2025 jyldary «Jaıly mektep» ulttyq jobasy aıasynda 9 500 oqýshyǵa arnal­ǵan 12 mektep salý jospar­lanǵan bolsa, osy jyly 7 mek­tep paıdalanýǵa berilýge tıis. Al qal­ǵan 5 nysannyń qury­lys ju­mystary 2025 jyly aıaqtalady.

Derekke sensek, ulttyq joba sheńbe­rinde boı kóteretin ǵı­marat­tar esebinen birqatar ótkir máse­leni rettep alýǵa bolatyn sekildi.

«Úsh aýysymmen jumys isteı­tin 2 mekteptiń máselesi osy jy­ly qosymsha qurylys esebi­nen sheshimin tabatyn bolady. Sondaı-aq taǵy 2 mekteptiń máse­lesin «Jaıly mektep» ulttyq jo­basy aıasynda boı kóteretin ǵı­marattar esebinen sheshemiz dep otyrmyz.

Oblys ortalyǵynan shalǵaıda jat­qan Moıynqum aýdanynda apatty jaǵdaıdaǵy eki mektep bar. О́tkir problemany ońynan sheshý úshin aýdanda jańa ǵımarattar salynyp jatyr. Qurylys jumys­tary osy jyly aıaqtalmaq.

Taraz qalasyndaǵy №53, №55 mek­tep­terdegi oqýshy orny tap­shylyǵy máselesi «Araı» turǵyn alabyndaǵy 600 oryndyq mekteptiń jáne Shóldala turǵyn alabyndaǵy «Jaıly mektep» qurylysy esebinen osy jyly tolyqtaı sheshimin tabady», deıdi oblys ákimdigi bilim basqarmasy basshysynyń mindetin atqarýshy Muhıt Nysanbaev.

Memlekettik deńgeıde qolǵa alynǵan «Jaıly mektep» ulttyq jobasy aıasynda óńirde 12 mektep salynatynyn jo­ǵa­ryda aıttyq. Onyń 4-eýi Taraz qala­synda boı kóterse, Qordaı aýdanynda – 3, Shý aýdanynda – 2, Merki aýdanynda – 1, Jambyl men Baızaq aýdan­darynda eki bilim ordasy salynatyn bolady.

«О́tken jyly 17 bilim nysanyna kúrdeli jóndeý jumystaryn júrgizý maqsatynda qazynadan 4,4 mlrd teńge qarastyrylsa, qa­zirgi kezge deıin 16 bilim orda­synda jospardaǵy jumys toly­ǵymen aıaqtalǵan. Al Moıyn­qum aýdanynda ornalasqan Q.Rys­qulbekov atyndaǵy orta mek­teptegi jóndeý ju­mystary 1 naý­­ryzda aıaqtala­dy dep josparla­nyp otyr. Bul máseleni tikeleı qada­ǵalap otyrmyz.

Osy jyly «Aýyl – el besigi» jobasy aıasynda 6 mektepke, oblystyq bıýdjet esebinen 1 mektepke kúrdeli jóndeý jumysta­ry júrgiziletin bolady», deıdi M.Ny­­sanbaev salada atqarylyp jat­qan jumystar, týraly oıymen bólisip.

Jambyldyq oqýshylardyń res­pýb­lı­kalyq deńgeıde ótken bilim básekelerinde qol jet­kizgen tabystary da az emes. Má­se­len, tuńǵysh ret aýyl mektep­teri oqýshylarynyń arasyn­da uıym­das­tyrylǵan respýblı­kalyq pán­der olımpıadasynda óńirden 49 oqýshy qatysyp baq synasa, onyń 30-y júldegerler qatarynan kóringen. Sondaı-aq qoǵamdyq-gýmanıtarlyq pán­der boıynsha ótkizilgen res­pýb­­lıka­lyq olımpıadada óńir­diń komandasy jeńistiń bıik tuǵy­rynan kóringen. Sonymen qatar respýblıkalyq olımpıada qorytyndysyna sáıkes óńirdiń 7 mektebi elimizdegi úzdik 100 bilim ordasynyń qataryna engen.

Jalpy alǵanda, «Jaıly mektep» ulttyq jobasy Memleket basshysynyń tapsyrmasy aıasynda júzege asyrylyp jatqany belgili. Úkimet te joba aıasynda boı kóterýge tıis bilim ordalaryna aıryqsha den qoıyp otyr.

О́ńir basshysy E.Qarashókeev­tiń aıtýynsha, ulttyq joba sheń­berinde júzege asyrylatyn ju­mystarǵa jaýaptylar asa jaýap­kershilikpen qaraýǵa tıis. Muny ol merdigerlermen ótken kezdesý barysynda da shegelep tapsyr­dy. Bir sózben aıtqanda, «Jaı­ly mek­tep» ulttyq jobasy aıasynda boı kóteretin nysandar keste­de kór­setilgen merzimde aıaq­ta­lýy kerek. Bul másele oblys basshysynyń tikeleı baqylaýyn­da tur.

Jambyl oblysy