Almatyda qaıta jer silkiný qaýpi saqtalady. Bul týraly qalalyq TJD basshysy Nurlan Atyǵaev málimdedi, dep jazady Egemen.kz.
«Qurmetti qala turǵyndary men qonaqtary Tótenshe jaǵdaılar departamentiniń janynan jedel shtab quryldy. Shtabty qala ákimi Erbolat Dosaev basqarady. Almatyda aftershoktardyń qaıtalaný qaýpi bar», dedi TJD basshysy.
Nurlan Atyǵaev turǵyndardy dúrlikpeýge shaqyrdy.
Eske salaıyq, búgin saǵat 11:22-de Almaty qalasynda jer silkinisi tirkeldi. Zilzala oshaǵy Qazaqstan aýmaǵynda Almaty qalasynan ońtústikke qaraı 31 km jerde ornalasqan. Jer silkinisi MSK-64 shkalasy boıynsha 5 ball sezilgen.