Senat Spıkeri Máýlen Áshimbaevtyń tóraǵalyǵymen ótken Palata Bıýrosynyń otyrysynda depýtattar aldaǵy is-sharalardy talqylady jáne 28 naýryz kúni bolatyn Senat otyrysynyń kún tártibin bekitti, dep habarlaıdy Egemen.kz.
Senatorlar osy aptada eldiń ǵylymı-tehnıkalyq jáne ınnovasııalyq áleýetin damytý máseleleri boıynsha birqatar kezdesý ótkizbek. Sondaı-aq keıbir zańdardyń iske asyrylý barysyn talqylap, Memleket basshysynyń tapsyrmalaryn oryndaý aıasynda Pavlodar oblysynda óńirlerdiń bıýdjettik derbestigine arnalǵan kóshpeli otyrys uıymdastyrý kózdelip otyr. Senat Tóraǵasy óz sózinde atalǵan is-sharalardyń mańyzdy baǵyttaryna nazar aýdardy.
Palatanyń aldaǵy otyrysynda depýtattar «2014 jylǵy 29 mamyrdaǵy Eýrazııalyq ekonomıkalyq odaq týraly shartqa ózgerister engizý týraly hattamany ratıfıkasııalaý týraly» zańdy qaraıdy. Qujat tehnıkalyq retteý, veterınarııalyq-sanıtarııalyq jáne karantındik fıtosanıtarııalyq sharalar, tutynýshylardyń quqyqtaryn qorǵaý, tarıftik emes retteý jáne memlekettik satyp alý máselelerine qatysty Eýrazııalyq ekonomıkalyq odaqtyń qoldanystaǵy quqyqtyq negizinde kezdesetin olqylyqtardy joıýǵa baǵyttalǵan.
Sonymen qatar Senat otyrysynda «2000 jylǵy 7 shildedegi Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy Azamattardyń ózara saparlarynyń sharttary týraly kelisimge ózgerister engizý týraly hattamany ratıfıkasııalaý týraly» zań da qaralady. Zań eki memleket arasyndaǵy dostyq qarym-qatynasty odan ári nyǵaıtýdy, taraptar azamattarynyń saparlaryn retteýdi, sondaı-aq bir memleket azamattarynyń ekinshi memlekettiń aýmaǵynda bolýy úshin qolaıly jaǵdaılar jasaıtyn quqyqtyq negiz qurýdy maqsat tutady.