Tótenshe jaǵdaılar mınıstrliginiń daǵdarys ortalyǵynda vıse-premer – Sý tasqynyna qarsy sharalardy úılestirý jáne qarǵyn sý júrý kezeńiniń saldaryn joıý jónindegi respýblıkalyq shtab basshysynyń orynbasary Qanat Bozymbaev pen Tótenshe jaǵdaılar mınıstri Shyńǵys Árinovtiń qatysýymen keńes ótti.
3 sáýirdegi jaǵdaı boıynsha eldegi sý tasqynyna qatysty ahýal áli de kúrdeli. 6 óńirde 1 364 jekemenshik turǵyn úıdi sý basqan. Avtojoldardyń 105 ýchaskesinde sý jaıylǵan. 78 jol ýchaskesinde búlingen jerlerdi jáne 4 kópirdi qalpyna keltirý jumystary júrgizilip jatyr. 64 eldi mekenge kólik qatynasy joq, olarǵa azyq-túlik pen dári-dármek jetkizilip jatyr.
Sý basqan aımaqtardan turǵyndardy evakýasııalaý táýlik boıy júrgizilip jatyr. О́tken táýlikte qutqarýshylar 1 524 adamdy, onyń ishinde 496 balany evakýasııalady.
Sý tasqynyna qatysty ahýaldy baǵalaý úshin 1-3 sáýir aralyǵynda vıse-premer men tótenshe jaǵdaılar mınıstri Qaraǵandy, Qostanaı jáne Aqmola oblystarynyń aýmaǵyn áýeden barlady. Aqmola oblysyndaǵy Arshaly, Selınograd aýdandary men Qosshy qalasynyń aýmaǵyn zerttedi, sondaı-aq Preobrajenskıı sý torabyna bardy.
Qazirgi ýaqytta oblysta qar jamylǵysy shamamen 76% quraıdy. TJM kúshteri men quraldaryn Selınograd, Arshaly, Atbasar, Sandyqtaý aýdandarynyń, Kókshetaý jáne Qosshy qalalarynyń 17 eldi mekenine bólý uıymdastyryldy.
Qaraǵandy oblysynyń aýmaǵynda qar jamylǵysy shamamen 34% quraıdy. Oblysta aldyn alý is-sharalary, onyń ishinde jaǵalaýdy nyǵaıtý jumystary jáne qapshyqtardy tóseý jumystary júrgizilýde. Barlyǵy 700-ge jýyq adam jáne 118 birlik tehnıka jumyldyryldy. Qazir jaǵdaı turaqty.
Qostanaı oblysy boıynsha qar jamylǵysy shamamen 71%. 75 turǵyn úı men 38 aýla aýmaǵyn sý basqan. Atalǵan eldi mekenderge TJM-niń Shyǵys Qazaqstan, Qaraǵandy jáne Qyzylorda oblystarynan barǵan qosymsha kúshteri men quraldary tartyldy, jaǵalaýdy nyǵaıtý jumystary júrgizilip jatyr.
Qazir Arqalyq qalasy men Amangeldi aýdanynda jaǵdaı turaqtaldy. Jangeldi aýdanynda jaǵdaı áli kúrdeli. Ákimdik barlyq qajetti sharalardy qabyldap jatyr.
О́ńirlerde shyǵyndy baǵalaý boıynsha jumystar bastaldy. Táýlik boıy monıtorıng júrgizilip jatyr. Aldaǵy kúnderi elimiz boıynsha jaýyn-shashyn jáne temperatýralyq fonnyń kúrt kóterilýi kútilýde, bul qardyń qarqyndy erýine ákeledi.
Keńes qorytyndysynda Respýblıkalyq shtab basshysynyń orynbasary óńirlerdiń ákimdikterine qaýipsizdikti qamtamasyz etý, sý basqan aımaqtardan adamdardy aldyn ala evakýasııalaý jáne qutqarý jóninde qajetti sharalar qabyldaý týraly tıisti tapsyrmalar berdi.