PAVLODAR. 11 qańtar. Ekibastuz qalasynyń ákimi Aleksandr Verbnıak Uly Otan soǵysyna qatysqan Tatıana Býrmatovany 95 jasqa tolýymen quttyqtady. Bul týraly egemen.kz tilshisi habarlady.
Qala basshysy ardagerge aqshalaı syıaqy jáne gúlder shoǵyn tabys etti. Tatıana Mıhaılovna 1920 jyly Sverdlovsk oblysynyń Bogdanovıch qalasynda týǵan. 1941 jyly maıdanǵa attanady. №1725-zenıt-artıllerııa polkynda pýlemetshi boldy. Soǵystan keıin Qazaqstanǵa kelip, telegrafta qyzmet jasady. «1941-1945 j.j. Uly Otan soǵysynda Germanııany jeńgeni úshin», «Adal eńbegi úshin», «Qajyrly eńbegi úshin» medaldarymen jáne mereıtoılyq medaldarymen marapattalǵan.
Ákimniń aıtýynsha, qalada turatyn 25 soǵys ardageriniń páterlerin jóndeýge jalpy 18 mln. teńge qarjy jumsalypty.
Farıda Byqaı.
Derek: egemen.kz.
Sýret: egemen.kz.