«Árkimniń daýysy mańyzdy!» aksııasy aıaqtaldy

Keshe «Atameken» ulttyq kásipkerler palatasy «Árkimniń daýysy mańyzdy!» atty aqparattyq aksııasynyń qory­tyndysyn shyǵardy. Ondaǵy negizgi maq­sat – belgili bir kandıdatty úgittep, saıası kúshke qoldaý bildirý emes, kerisinshe, jurtty óz qalaýy boıynsha daýys berýge shaqyrý ári bıznes qaýymdastyqtyń bel­sendiligin arttyryp, respýblıka aza­­mattaryn kezekten tys prezıdenttik saı­­laý­ǵa bir kisideı qatysýǵa atsalysý, úndeý. Baspasóz ókilderimen júzdesken shara barysynda  «Atameken» QR UQP basqarma   tóraǵasynyń orynbasary Nurjan Áltaev, «Jumbaqtas» MQK dırektory Sáýle Jaqsylyqova, «Konsern» Sesna-Astyq» jáne marketıng bóliminiń basshysy  Ekaterına Shıpılova qatysyp, atalmysh aksııa tóńireginde óz oılarymen bólisti. Bul týraly basqarma tóraǵasynyń orynbasary N.Áltaev: «Biz osy aksııany bas­tar kezde otandyq bıznes-qaýymdastyqtan mundaı joǵary belsendilik kútken joqpyz. Kásipkerler buǵan paıda kózi retinde emes, ózderiniń azamattyq boryshyn oryndaý maqsatynda  kirisip ketti. Kezdesý barysynda qanshama jaqsy suhbattar boldy. Maǵan qatysýshylardyń óz oılaryn erkin jetkizgenderi unady. Ásirese, turǵyndardyń qoıǵan suraqtarynyń deni nesıe, turǵyn úı máselesine qatysty órbidi. Bul ótinish-usynystardy biz aldaǵy ýaqytta qarap, sheshý joldaryn izdestiretin bolamyz», – dedi baspasóz ókilderine bergen suhbatynda. Aýqymdy sharaǵa 1850 kásipkerlik qury­lymnyń ókilderi qatysty. Onyń ishinde, dámhana, qonaq úı, saýda ortalyqtary, ásemdik salondary jáne qarjy uıymdary da bar. Otandyq 350 kásiporyn óz ónimderine «Árkimniń daýysy mańyzdy!» dep jazylǵan 3 mıllıonnan astam arnaıy japsyrma japsyrylǵan. Al qazaqstandyq joǵary oqý oryndarynda 10 myńdaı kúntizbe ilindi. Ulttyq kásipkerler palatasy ókilderiniń aıtýynsha, atalǵan aksııa arqyly mıllıonnan astam otbasy men 3 mıllıondaı ǵalamtor-paıdalanýshy qamtylǵan. Jıyn sońynda atalmysh sharaǵa belsendi túrde atsalysqan otandyq kompanııalar men aqparattyq qoldaý kórsetken BAQ ókilderi marapattaldy. Atap aıtqanda, eń ozyǵy Jambyl oblysy, sonan keıin Pavlodar obly­sy, al úshinshi bolyp Soltústik Qazaqstan oblysy tirkeldi. Raýshan TÁÝIRHANQYZY,  jýrnalıst.