Ekologııa festıvali

Mazmundy is-shara barysynda oqý­shylar ekologııa taqyrybyna arnalǵan tapsyrmalardy oryndady. Máselen, qaladaǵy №72 mektep-lıseıde Almaty aýdanyndaǵy 6 mekteptiń 5-6-synyp oqýshylary ózara baq synasty. «Ekologııa jáne jasyl álem» taqyrybynda ótken ekoslet eki kezeńnen turdy. Birin­shi kezeńde oqýshylar ekologııa­lyq baǵyttaǵy bilimderin shyńdasa, ekinshi kezeń týrıstik baǵyttaǵy tapsyrmalarǵa arnaldy.

«Búgin «Taza Qazaqstan» eko­lo­gııalyq aksııasy aıasynda qala­­lyq Bilim basqarmasynyń uıym­dastyrýymen elordadaǵy bar­lyq mektepte bir ýaqytta ekofestıval uıymdastyryldy. Mundaı jıyn balalardyń ekolo­gııa­lyq dúnıetanymyna jáne shy­ǵarmashylyǵyna jaqsy áser etedi. Sonymen qatar qorshaǵan or­tany qorǵaý týraly kózqarasy qa­lyptasady. Jarys túrinde ótki­zilgen is-sharada úzdik nátıje kór­setken mektep oqýshylaryna dıp­lom tabystalyp, tátti syılyqtar berildi», dedi Astana ákimdigi Ba­la­lar men jasóspirimderdiń tý­rızm jáne ólketaný ortalyǵy dı­rek­­to­rynyń mindetin atqarýshy Aslan Kenjeǵalıev.

№72 mektep-lıseıi dırektory­nyń tárbıe isi jónindegi orynbasary Janar Kópbaevanyń aıtýyn­sha, atalǵan bilim ordasynda eko­logııalyq baǵytta túrli is-sharalar jıi ótedi eken.

«Bizdiń mektebimizdiń oqýshy­lary qaldyqtardy suryptaý, mek­tep aýmaǵyn kógaldandyrý ju­mystaryna belsene atsalysady. Jyl saıyn sáýir-mamyr aılarynda ekologııalyq aılyq ótkizemiz. Ár aptanyń taqyryptyq ataýyn bekitemiz. Mysaly, «Tazarý» apta­lyǵynda oqýshylarmen birge mektep pen turǵyn úılerdiń aýlala­ryn tazartamyz. Budan bólek, «Ot­­basymen birge aǵash ek» atty ap­talyq bar. Onda oqýshylar óz otbasymen birge mektep aýlasyna aǵash otyrǵyzady. Al búgingi festıval­ǵa mektep janyndaǵy lagerge ke­lip júrgen balalar qatysty. Biz­de bıyl sporttyq lagerge 100-ge jýyq, al profıldi lagerge 315 bala qatysyp jatyr. Sonymen qatar bastaýysh synyp oqýshylaryna arnalǵan «Baldyrǵan» lageriniń birinshi kezeńinde 357 bala bar. Sondaı-aq balalar fýtbol jáne voleıboldan tegin úıirmelerge qatysady», dedi ol.