PAVLODAR. 26 sáýir. Oblysta 31 halyqaralyq baıqaýshy tirkelgen. Bul týraly egemen.kz tilshisi habarlady.
Alys jáne jaqyn shet elderden kelgen baıqaýshylardyń 16-sy Eýropadaǵy qaýipsizdik jáne yntymaqtastyq uıymynyń múshesi bolsa, qalǵan 15-i TMD elderinen kelgen.
Reseıdiń Novosibir qalasynan kelgen halyqaralyq baıqaýshy Olga Blagonyń aıtýynsha, saılaýda baıqaýshylar úshin de barlyq jaǵdaı jasalǵan. Telefon, faks, ǵalamtor barlyq qajetti qurylǵylardyń bári bar. Bir sózben aıtqanda, uıymdastyrý jaǵy joǵary deńgeıde. Sondyqtan biz halyqaralyq baıqaýshylar jumystarymyzdyń esh kedergisiz, sátti ótetinine senimdimiz. Saılaýǵa kelýshiler belsendiligi jaqsy.
Osy ýaqytqa deıin TMD aýmaǵynda birqatar elderdiń prezıdenttik saılaýlarynda halyqaralyq baıqaýshy retinde jumys istegen Novosibirden kelgen Evgenıı Rıagýzovtyń aıtýynsha, bıylǵy saılaýda sheteldik baıqaýshylar sany anaǵurlym kóp. Daýys berýge kelgen jurtshylyqtyń belsendiligi de baıqalýda. Al, Sibir basqarý ınstıtýty halyqaralyq qatynastar saıasaty fakýltetiniń dekany Sergeı Kozlov mundaı sharaǵa alǵash ret qatysyp otyrǵanyn aıtady. «Búgin óńirimizde el bolashaǵyn anyqtaýdaǵy mańyzy zor saıası shara qyzý júrip jatyr. Halyqaralyq baıqaýshylar saılaý ýchaskelerinde belsene jumys isteýde. Barlyq nátıjeler keshki 20 00-de belgili bolady», deıdi ol.
Farıda Byqaı.
Derek, sýret: egemen.kz