27 maýsymda Parıj-2024 oıyndaryndaǵy bokstan bastapqy jerebe tartý ótkizildi, dep habarlaıdy Egemen.kz Qazaqstan boks federasııasyna silteme jasap.
Negizgi jerebe 25 shilde North Paris Arena-da ótedi. Al atalǵan sharanyń maqsaty – ár salmaqtaǵy top 8 boksshynyń pozısııasyn anyqtaý. Uıymdastyrýshynyń aqparatyna sáıkes atalǵan jerebede tek qurlyqtyq saıystarda lısenzııa alǵan boksshylar qatystyrylǵan. О́ıtkeni qurlyqtyq saıystar – ár elge joldama ıelenýge berilgen eń alǵashqy múmkindik.
Qazaqstan boks federasııasy málimdemesinde: «Atalǵan jerebeden Karına Ibragımova men Qamshybek Qońqabaevty ǵana kóre aldyq. Sebebi dál osy boksshylar Azııa oıyndarynda Olımpıada joldamasyn ıelengen edi. Karınaǵa (57 keli) da, Qamshybekke (+92 keli) de óz salmaqtarynda jetinshi nómir túsken», delingen.