ShYMKENT. 26 sáýir. Ońtústik Qazaqstan oblystyq saılaý komıssııasynyń tóraǵasy Álibek О́mirálıev oblystaǵy 1255 myń 634 saılaýshynyń saǵat 10:00-ge deıin 174 myń 931-i daýys bergenin málimdedi. Bul týraly egemen.kz tilshisi habarlady.
Jaýyn quıyp turǵanyna qaramastan 1029 saılaý ýchaskelerinde qyzý jumys júrip jatyr. EQYU tarapynan 2 baqylaýshy 1 sáýirden bastap uzaq merzimdi baqylaýshy retinde qyzmetin atqarýda. 24 sáýir kúni EQYU-dan 18 baqylaýshy kelgen. Shanhaı yntymaqtastyq uıymynan 18 baqylaýshy jumys jasaýda. Al TMD-elderinen 19 baqylaýshy kelgen eken. Olardyń barlyǵy aýdan, qalalardaǵy saılaý ýchaskelerin aralap júr.
Á.О́mirálıev saılaýdyń qalypty ótip jatqanyn, saılaý ýchaskeleriniń tóraǵalary men hatshylyq quramy búginge deıin túrli semınarlardan ótkenin, Saılaý zańdylyqtaryn saqtaýǵa bilim-biligi jetetinin, sharanyń talapqa saı ótýine múddeli ekenin aıtady. Barlyq saılaý ýchaskeleriniń materıaldyq-tehnıkalyq bazasy kóńildegideı. Saılaýshyǵa daýys berýge barynsha jaǵdaı jasalynǵan.
Saılaýdy baqylaý qoǵamdyq komıssııasynyń OQO fılıaly shtabynyń múshesi Valentına Vashenko baqylaýshylardy daıarlaý kezińde jastarǵa erekshe kóńil bólingenin aıtady. Semınarlar, trenıngter ótkizilgen. Saılaýǵa jaqsy daıyndyqpen barý úshin qajetti kómektiń bári kórsetilgen. Zańnamalardy bilý, saılaý tártibin saqtaý máseleleri talqylanǵan.
«Ár ýchaskede bir baıqaýshymyz bolsa jetkilikti dep sanadyq, –dedi Valentına Vashenko. – О́ıtkeni onda partııalar men basqa da qoǵamdyq birlestikterdiń baıqaýshylary, halyqaralyq baıqaýshylar bolady. Biz baıqaýshylardyń sanyna emes, olardyń sapasy men daıarlyǵyna basa kóńil bóldik».
El Prezıdentin saılaý-úlken saıası naýqan, halyqtyń erteńgi kúnge degen senimdilik tańdaýy, izgi qadam. Qazaqstan – zaıyrly memleket, saılaý halyqaralyq standarttar ólshemine saı ótkizilýi tıis.
Ońtústiktegi 1029 saılaý ýchaskesin saılaýdy baqylaý qoǵamdyq komıssııasy fılıalynyń baıqaýshylary kúni boıy aralap júredi.
Baqtııar Taıjan.
Derek, sýret: egemen.kz.