ShYMKENT. 26 sáýir. Túrkistandaǵy 118216 saılaýshy qalaǵa qarasty 12 aýyldaǵy 36 jáne shahardyń ózindegi 37 saılaý ýchaskelerine baryp tańdaýlaryn jasady. Bul týraly egemen.kz tilshisi habarlady.
Túrkistan óńirindegi respýblıkaǵa áıgili otbasylardyń biri – ótken jyly «Mereıli otbasy» ulttyq konkýrsynyń jeńimpazy atanǵan Bımahanbetovter áýleti. Otaǵasy Eltaı atamyz 83 jasta. Qosaǵy Elena ájemiz ekeýi 8 bala, 33 nemere, 15 shóbere ósirip, órken jaıǵan alyp báıterekke aınalǵan.
О́z ómirinde 68-shi ret saılaýǵa kelip otyrǵan aqsaqaldyń kóńil kúıi jaqsy, rýhy asqaq. «Meniń eki nemerem, eki shóberem kámelettik jasqa tolyp, alǵash ret daýys berdi. Otbasymyzben aqyldasyp, kimge daýys beretinimizdi sheshkenbiz. Áıtse de, eshkimniń tańdaýyna qarsy bolmaımyn. О́ıtkeni, ol onyń Konstıtýsııalyq quqyǵy. Qaı úmitkerge daýys berse de Qazaqstannyń bolashaǵy úshin jaýapty bolatyn, halyqtyń yrysyn tasytatyn, elge beıbitshilik pen tatýlyq, birlik ákelýge múmkindigi mol azamatqa daýys bererine senemin. Qýanyp turyp aıtarym, osy saılaýda bizdiń áýletten 51 adam daýys berip jatyr», – dedi «Mereıli otbasy» baıqaýynyń jeńimpazy.
Úlken áýlettiń saıaly báıteregine aınalǵan aqsaqaldyń qýanyshy bul ǵana emes eken. Saılaý kúni áýletke taǵy bir shaqalaq keldi, qyz bala álemniń jaryq esigin ashty.
Endi Eltaı aǵamyzdyń 34 nemeresi bar.
Osylaısha, «Mereıli otbasy» ulttyq baıqaýynda júzden júırik, myńnan tulpar shyqqan Bımahanbetovter áýleti bir kúnde eki birdeı qýanyshqa ıe bolyp otyr.
Baqtııar Taıjan.
Derek, sýret: egemen.kz.