AQTAÝ. 26 sáýir. Mańǵystaý oblysynda saılaý belsendi ótip jatyr. Bul týraly egemen.kz tilshisi habarlady.
Oblystyq saılaý komıssııasynyń habarlaýynsha, Mańǵystaýda túski saǵat 12.00-ge deıin 107547 adam daýys berdi. Bul daýys berý kórsetkishi 34,12 paıyzdy qurady degen sóz. Naqtyraq aıtsaq, túske deıin saılaýshylardyń Aqtaý qalasynda 32,42 %, Jańaózen qalasynda 33,31 %, Beıneý aýdanynda 37,26 %, Qaraqııa aýdanynda 35,74 %, Mańǵystaý aýdanynda 35,09 % jáne Munaıly aýdanynda 34,96 %-y daýys berýge kelgen.
Bıylǵy QR Prezıdentiniń kezekten tys saılaýyna Mańǵystaý oblysy boıynsha qatysatyndar sany 315 myń 202 adamdy qurap otyr. Bul kórsetkish 2011 jyly 3 sáýirdegi QR Prezıdenti saılaýynda 256 myń 779 adam bolǵan.
Gúlaıym Shyntemirqyzy.
Derek: egemen.kz
Sýret: Talant Qusaıyn.