ASTANA. 26 sáýir. Prezıdenttik saılaýda daýys berý kezinde prokýratýra organdaryna zań buzýshylyq týraly eleýli ótinishter, málimetter túsken joq. Bas prokýratýranyń resmı ókili Nurdáýlet Súıindikov osylaı dedi. Bul týraly egemen.kz tilshisi habarlady.
N.Súıindikov: «Prezıdent saılaýynda daýys berý prosesinde prokýratýra organdary barlyq saılaý komıssııalarymen jáne múddeli memlekettik mekemelermen tikeleı baılanysta boldy. Qazirgi sátke deıin prokýratýra oryndaryna saılaý zańnamalaryn buzýǵa qatysty eleýli bir shaǵymdar, ótinishte nemese habarlamalar túsken joq. Tek, Semeı qalasynyń turǵyndary, erli-zaıypty Karpýhınder ózderiniń turǵylyqty jerindegi saılaý ýchaskesinde túzilgen tizimge enbeı qalǵandary týraly shaǵymdanǵan. Olardyń sol tıisti aýmaqta turatyndary anyqtalǵannan keıin, Karpýhınder daýys berýge múmkindik aldy. Qazirgi tańda bul kisilerdiń aldyn ala túzilgen tizimge enbeı qalýynyń sebepteri anyqtalýda», – dedi.
Joldybaı Bazar.
Derek, sýret: egemen.kz.