Osy jyldyń qyrkúıek aıynda qurylys nysandaryn baqylaý jáne zańsyz toltyrýlardy joıýǵa arnalǵan «Memqalakadastr» júıesi iske qosylady. QR О́nerkásip jáne qurylys vıse-mınıstri Jannat Dúbırova atalǵan aqparattyq júıeniń artyqshylyqtaryn atady, dep habarlaıdy Egemen.kz.
QR О́nerkásip jáne qurylys mınıstrliginiń habarlaýynsha, qurylys sektoryndaǵy memlekettik qyzmetterdi kórsetýdegi basty másele – berilgen qujattar men bekitilgen bas josparlarynyń sáıkes kelmeýi.
Ákimdikterde qurylys jobalary men oǵan qatysty qujattardyń shashyrańqy, sıfrlanbaǵan bazasy bolǵan. Buryn Sáýlet-josparlaý tapsyrmasyn jáne aldyn ala jobalardy berý prosesi Bas jospardaǵy metaderekterdi jáne «e-license» júıesindegi josparlaryn tekserýmen ózara baılanysty emes edi. Sáýlet-josparlaý tapsyrmasynyń bóligi retinde tehnıkalyq sharttardy berý faıldar qosa berilgen qaǵaz túrinde júzege asyrylady jáne bulyńǵyr ekenin atap ótti.
«Memlekettik qalalyq kadastr» aqparattyq júıesi bas jospar derekterin formattyq-logıkalyq baqylaýǵa jáne arhıtektýralyq josparlaý tapsyrmasyn berý kezinde egjeı-tegjeıli josparlaý, júıelik derekterdi tekserý jáne bıznes-prosesterdi avtomattandyrý arqyly jobalarǵa tehnıkalyq sıpattamalar berýge múmkindik beredi», dedi vıse-mınıstr OKQ alańynda.
Jannat Dúbırovanyń aıtýynsha, platformada memlekettik organdardyń aqparattyq júıeleriniń arhıtektýrasynda qala qurylysy jobalarynyń sıfrlyq derekteri, bastapqy ruqsat berý qujattary, obektilerdi paıdalanýǵa qabyldaý aktileri tirkelgen. Júıeni osy jyldyń 1 qyrkúıeginde iske qosý josparlanyp otyr.
Aıta keteıik, jyl basynda Memlekettik qyzmetterdi sıfrlandyrý jónindegi vedomstvoaralyq komıssııa «Memqalakadastr» RMK júıesi arqyly bastapqy ruqsat berý qujattamasyn berý jáne aldyn ala jobalardy kelisý boıynsha memlekettik qyzmetterdi berýdi qoldaǵan edi.
Mınıstrliktiń habarlaýynsha, málimetterdi bir aqparattyq júıede jınaqtaý halyqty jáne bıznesti bekitilgen qala qurylysy reglamentterine sáıkes eldi mekender aýmaqtaryn damytý týraly ózekti málimettermen qamtamasyz etýge, zańsyz toltyrý máselesin sheshedi jáne halyqty qamtamasyz etýde ashyq sheshimder qabyldaýǵa múmkindik beretinin eskergen jón.