Atyraý oblysynda bolǵan tótenshe jaǵdaılar saldarynan kóz jumǵan 6 balanyń ólimine qatysty tergeý amaldary júrip jatyr. Oblystyq prokýratýra kináliler zań aıasynda qatań jazalanatynyn málimdedi, dep jazady Egemen.kz.
4 shilde kúni Atyraýdaǵy Jeńis saıabaǵynda myǵym bekitilmegen bıýst qyz balanyń ústine qulap, saldarynan qaıtys boldy.
Bir aptadan keıin, 10 shildede balabaqshada bala septıkke qulap, tórt kúnnen keıin kóz jumdy.
14 shildede qalalyq ortalyq basseınde qyz bala sýǵa batyp ketken, al 26 shildede sýburqaqta (fontan) taǵy bir qyz bala sorǵynyń (nasos) saldarynan qaıtys bolǵan.
27 shildede Qyzylqoǵa aýdanynyń Saǵyz aýylynda jasóspirim motosıklmen túıege soqtyǵysyp, alǵan jaraqattarynan qaıtys boldy.
28 shilde kúni Atyraýdaǵy kópqabatty úılerdiń birinen 15 jasar oqýshy terezeden sekirip, óz-ózine qol jumsaǵan.
«Árbir is bizdiń erekshe baqylaýymyzda. Qazirgi ýaqytta qaıǵyly oqıǵalarǵa sebep bolǵan tulǵalardy anyqtaý jáne olardy jaýapqa tartý maqsatynda sharalar júrgizilip jatyr. Balalardyń qaýipsizdigin qamtamasyz etý maqsatynda, mundaı faktilerdi boldyrmaýǵa jáne aldaǵy ýaqytta qaıtalanbaý úshin barlyq jaǵdaılar jasalady», dedi Atyraý oblysynyń prokýrory Baýyrjan Jumaqanov.
Qazirgi ýaqytta oblys kóleminde «Baqytty jáne qaýipsiz balalyq shaq» jobasy júzege asyrylyp jatyr. Prokýrorlar qıyn turmystyq jaǵdaıǵa tap bolǵan 50-den astam otbasyǵa baryp, kámeletke tolmaǵandar arasynda qaıyr suraý faktilerin anyqtady. Osy iske qatysty ata-analar jaýapkershilikke tartylyp jatyr.